Tags-Aah

yaas o hirmāñ āh-e-sozāñ ashk-e-ḳhūñ dāġh-e-junūñ
hazrat-e-ishq aur kyā is ke sivā dene lage

na hove kyuuñ ke gardūñ pe sadā dil kī buland apnī
hamārī aah hai Dañkā damāme ke bajāne kā

'arsh' tak dekhiye pahuñche ki na pahuñche koī
aah ke saath duā bhī mirī parvāz meñ hai

kahte haiñ zulm ke ba.ad aah karoge to kyā
lashkar-e-jaur-o-jafā meñ ye alam aur sahī

aah ye rūdād-e-hañgām-e-tarab ai ġham-gusār
zikr-e-gulshan jaise ik be-bāl-o-par ke sāmne

āshiq to jānte haiñ vo ai dil yahī sahī
har-chand be-asar hai par aah o fuġhāñ na chhoḌ

hoñToñ tak aate aate huī vo bhī sard aah
ik āh-e-sard thī jo mirī ġham-gusār-e-dil

hai ashk-o-āh raas hamāre mizāj ko
ya.anī pale hue isī āb-o-havā ke haiñ

pand-goyoñ ne bahut siine kī tadbīreñ liiñ
aah sābit bhī na niklā ye garebāñ yak jā

na pūchho āh-e-mohabbat kī raḳhna-andāzī
ḳhudā gavāh hai apne hue haiñ begāne

ḳhāmushī jaise koī āh-e-tavīl
siskiyāñ letī huī tanhā.iyāñ

na le ai nāvak-afgan dil ko mere chiir pahlū se
ki vo to jā chukā saath aah ke juuñ tiir pahlū se

dil-e-sad-chāk kā shāna mirā TuuTā tire hāthoñ
vagarna zulf-e-dūd-e-āh suljhāne ke kaam aatā

āh-e-sozāñ kā ulfat meñ yaarā nahīñ tujh pe aañch aa.e mutlaq gavārā nahīñ
uḌ ke chiñgāriyāñ ātish-e-vaqt kī terā dāman jalā.e to maiñ kyā karūñ

aa kar chaman meñ āh-e-ḳhizāñ ne ye kyā kiyā
belā nahīñ gulāb nahīñ yā samayñ nahīñ

bait-bahsī na kar ai fāḳhta gulshan meñ ki aaj
misra-e-sarv se mauzūñ hai mirā misra-e-āh

lapak us kī chamak us kī vahī dam-ḳham vahī aalam
ye bijlī koī āh-e-ātishīñ ma.alūm hotī hai

dahr meñ ab muskurāne kī hameñ fursat nahīñ
dil hujūm-e-ġham banā ġham āh-e-afsāna huā

rishta-e-ulfat ne bāñdhe haiñ par-e-parvāz aah
dām-e-hairat meñ ba-rañg-e-bulbul-e-tasvīr huuñ

ve pahlī iltifāteñ saarī fareb niklīñ
denā na thā dil us ko maiñ 'mīr' aah chaukā