Tags-Barish

fitrat meñ nazar aate haiñ hameñ apnī hī mohabbat ke pahlū
inkār thā garmī kā aalam iqrār ye pahlī bārish hai

ranjish jo hamāre beach rahī to aag falak ne barsā.ī
ab soch na kuchh mausam ko samajh ai yaar ye pahlī bārish hai

vo rahm-o-karam hai bil-āḳhir mujh ko to 'suhail' is par hai yaqīñ
bas us kī ināyat kā yāroñ iz.hār ye pahlī bārish hai

armān zamīñ ke jaag uThe dildār ye pahlī bārish hai
kal soch rahā thā saarā jahāñ dushvār ye pahlī bārish hai

tū aur kahīñ maiñ aur kahīñ āġhosh-e-tamannā suunī hai
aisā to kabhī pahle na huā is baar ye pahlī bārish hai

ġhunchoñ pe ajab shādābī hai aur jaag uThī hai hariyālī
tamhīd bahār-e-tāza kā dīdār ye pahlī bārish hai

bārish kī pahlī būñdoñ ne
soñdhī sī kar Daalī miTTī

kachchī dīvāroñ ko paanī kī lahar kaaT ga.ī
pahlī bārish hī ne barsāt kī Dhāyā hai mujhe

mirī ā.ankhoñ meñ bārish kī ghuTan thī
tumhāre paañv bādal chūmtā thā

dekhte bādal se bārish tak safar taklīf kā
tum mirī āñkheñ agar rone se pahle dekhte

mere jiine ko bas ye hai kaafī
tū hai bārish hai aur titlī hai

āñkhoñ meñ tūfān bahut hai
bārish kā imkān bahut hai

un ko bārish kā ḳhauf hai jin ko
apnā ghar aag meñ jalānā hai

maiñ ek bhī makān kā mālik na ban sakā
bārish kī zad meñ huuñ kabhī lū ke asar meñ huuñ

sail aisā thā ki sab shahr-e-badan Duub gayā
raat bārish ne ajab bazm sajā.ī ghar meñ

bārish kī ādatoñ kā badalnā muhāl thā
jalte hue ham apne hī ghar dekhte rahe

aaj kī shaam guzāreñge ham chhatrī meñ
bārish hogī ḳhabreñ sun kar aayā huuñ

aag kī bārish huī manzar jhulas kar rah ga.e
shaam ke saa.e meñ koī gūñjtā lahrā na thā

aaj kī shaam guzāreñge ham chhatrī meñ
bārish hogī ḳhabreñ sun kar aayā huuñ

shabnam kī jagah aag kī bārish ho magar ham
'mansūr' na māñgeñge duā aur tarah kī