Tags-Barish

dushmanoñ meñ the to ham par phuul kī bārish huī
dostoñ meñ haiñ to ye patthar kahāñ se aa ga.e

maiñ jis kī oT meñ mausam kī maar sahtā huuñ
kahīñ khañDar bhī vo bārish ne ab ke Dhāyā to

jab maiñ royā bārish-e-bārāñ huī
khul gayā muñh ashk jis dam tham rahe

ik to bārish ke utarne kī thī apnī āvāz
ik vo kuchh aur thī pattoñ kī sadā yaad karo

jo dil pe paiham hai bārish-e-ġham mohabbateñ ho rahī haiñ mohkam
izāfa kartā hai zindagī meñ jo din guzartā hai zindagī kā

tujhe ma.alūm hai gorī ki bārish kyoñ huī us din
koī ashkoñ se royā thā tirī bārāt ke pīchhe

bārish ke darīchoñ se chamakne lagī bijlī
'saifī' ye ghanī shab sahar-āsār rahegī

chhat kāġhzī miTTī kī ye dīvār rahegī
bārish kī ināyat to lagātār rahegī

zulmat ko ghaTā kahne se bārish nahīñ hotī
sho.aloñ ko havāoñ se to Dhāñpā nahīñ jaatā

vahī zālim haiñ sho.ala-bār insānoñ kī bastī par
vo israel jin par bārish-e-ikrām hai saaqī

garche bādal paanī barsātā huā ghar ghar phirā
phir bhī bārish kī duā kartā rahā ik sar-phirā

hai tere tasavvur se yahāñ nuur kī bārish
ye jān-e-hazīñ hai ki shabistān-e-hirā hai

bārish dekhtī hai ki use kahāñ barasnā hai
aur dhuup jāntī hai ki use kahāñ nahīñ jaanā

ik dard kī lazzat hī sahī ḳhvāhish-e-ġham meñ
āñkheñ hī na bah jaa.eñ kahīñ bārish-e-ġham meñ

lutf-e-mufrat se dost dushman hai
bārish-e-besh barq-e-ḳhirman hai

ālūda-dāmanī ko dhone ko muntazir huuñ
bārish de abr-e-rahmat jo ab nahīñ to phir kab

maiñ us kī pahlī bārish ban ke pī jā.ūñgā chupke se
nahīñ to is zamīñ kā zā.iqa raushan na hone kā

barastī hai jo be-mausam hī aksar
usī bārish meñ jal thal ho ga.ī huuñ

bārish thī aur abr thā dariyā thā aur bas
jaagī to mere sāmne sahrā thā aur bas

thakā āḳhir ko majnūñ ġham se rāh-e-ishq meñ mere
ġhubār-e-ḳhātir o aañsū kī bārish dekh kar chahlā