Tags-Barish

jalan yādoñ kī us ke tan-badan meñ aisī raushan ho
ki vo bārish meñ kamre se khulī chhat par nikal aa.e

ho chukī pattharoñ kī bārish tak
zaḳhm-e-ehsās jāgtā hī nahīñ

bārish nahīñ laatī kabhī aflāk se ḳhushbū
ḳhud jhuum ke uThtī hai isī ḳhaak se ḳhushbū

bain bārish ke naddiyāñ naale
aur mausam kā marsiya jañgal

sazā-e-ishq-e-mizhgān-e-butān-e-sañg-dil paa.ī
huī bārish har ik jānib se ham par tiir patthar kī

nuur kī bārish abhī hone de thoḌī der aur
ik zarā sī der hī to raat Dhal jaane meñ hai

ajab ashkoñ kī bārish ho ga.ī hai
diloñ kī gard saarī dho ga.ī hai

'rāsiḳh' tamām gaañv ke sūkhe paḌe the khet
bārish kā zor shahr kī añgnā.iyoñ meñ thā

ab ke bārish meñ to ye kār-e-ziyāñ honā hī thā
apnī kachchī bastiyoñ ko be-nishāñ honā hī thā

bahā na le jaa.e un ko bārish 'ūshā'
chaTTānoñ par ḳhvāb vafā ke bo.e haiñ

jab bhī bārish ne miTTī se muñh moḌā
jalte sūraj ne zarrāt bhigo.e haiñ

bādal uThe yā ki na uThe bārish bhī ho yā ki na ho
maiñ jab bhīgne lagtā huuñ vo sar par chhatrī tāntā hai

jhiil ke sūkhte paanī ko dilāse detī
aur bārish ke liye ashk bahāyā kartī

kisī din tez bārish meñ
agar ham bhiig jaa.eñ to

zarā Thahro ki paḌh luuñ kyā likhā mausam kī bārish ne
mirī dīvār par likhtī rahī hai dāstāñ vo bhī

maiñ sañg-o-ḳhisht-e-anā kī bārish meñ kab kā mismār ho chukā huuñ
ab inkisārī kī narm miTTī se apnī ta.amīr kar rahā huuñ

ye zabt-e-girya meñ aalam hai be-qarārī kā
ki barq kauñdtī hai bārish-e-sahāb nahīñ

unheñ bārish meñ bhīgtā dekh kar
ham ḳhuub hañste haiñ

pahlī bārish bhejne vaale
maiñ tire darshan kā pyāsā thā

koī barsā huā bādal bhī jo guzrā hai to ham
Dar ke bārish meñ Tapaktā huā ghar dekhte haiñ