Tags-Barish

vo roz-e-abr meñ kaif-o-nashāt kī bārish
hasīn chāñdnī rātoñ kā vo latīf gudāz

bharī hai rañj kī bārish se umr kī kārez
ham ek kone meñ baiThe haiñ ghir ke dekhte haiñ

hai aadhe shahr meñ bārish to aadhe shahr meñ dhuup
havā ilāqa badalne ke fan se vāqif hai

huī ghar se ruḳhsat hai beTī kī Dolī
maañ bārish meñ aañsū chhupāne lagī hai

baḌī ḳhūbsūrat hai bārish magar ye
ġharīboñ kī chhat kyuuñ girāne lagī hai

ye pahlī nazm un sāñsoñ kī ḳhātir hai
ki jin meñ barahna bārish utar kar regzāroñ kī tapish ālūd rāhoñ ko gul-e-gulzār kartī hai

jaise bārish se dhule sehn-e-gulistāñ 'ajmad'
aañkh jab ḳhushk huī aur vo chehrā chamkā

mausam-e-sarmā kī bārish kā ye pahlā roz hai
dhund hai atrāf meñ sūraj ke ḳhvāb-e-garm par

pyāso raho na dasht meñ bārish ke muntazir
maaro zamīñ pe paañv ki paanī nikal paḌe

mere andar hai ummas is darja
mujh meñ bārish sī huā chāhtī hai

jab bujhegī aag to apne hī naġhmoñ se 'jamīl'
zard āñdhī bārish-e-barq-o-sharar bhī lā.egī

shikasta safīna musāfir niDhāl
talātum shab-e-tār bārish havā

nahīñ hai agar un meñ bārish havā
uThā bādaloñ kī numā.ish havā

in makānoñ meñ ye dhaḌkā sā lagā rahtā hai
aglī bārish dar-o-dīvār girā saktī hai

bahut ilzām kī bārish huī thī
na Thahrī buuñd vo chiknā ghaḌā hai

surḳh īñToñ pe nāchtī bārish
aur yādeñ haiñ rū-ba-rū dekho

pas-e-mauj-e-havā bārish kā bistar sā bichhāne
sar-e-bām-e-navā bādal kā TukḌā ho rahā hai

kachchā mirā makān thā bārish meñ bah gayā
sail-e-ravāñ meñ ḳhud bhī utar jā.ūñ kyā karūñ

bachā.ūñ kis tarah kachche makāñ ko tez bārish meñ
gire jaate haiñ sab dīvār-o-dar āhista āhista

bārish-e-sañg karte chale jaa.eñ vo
ham lahū ro ke bhī phuul barsā.eñge