Tags-Bedaar

ek tausī.a jo qismat kī lakīroñ meñ rahe
ek tambīh jo bedār zamīroñ meñ rahe

kab sub.h ke naale kaam aa.e kyā girya-e-nīm-shabī se milā
is qarya-e-ḳhvāb-e-faroshāñ meñ tum kis ke liye bedār hue

de de ke nigāhoñ ko tasavvur kā sahārā
rātoñ ko tire vāste bedār hamīñ the

āñkheñ khulī rahī haiñ mirī intizār meñ
aa.e na ḳhvāb dīda-e-bedār dekh kar

ghar bhī merā muntazir hai yaar kā merī tarah
rauzan-e-dar meñ hai sūrat dīda-e-bedār kī

kahte ho ham ḳhvāb meñ aate jo tū sotā kabhī
ḳhuub kī barbād mehnat dīda-e-bedār kī

kuchh ḳhabar hai tujhe o chain se sone vaale
raat bhar kaun tirī yaad meñ bedār rahā

ho ke vo ḳhvāb-e-aish se bedār
kitnī hī der shal rahī hogī

jurm ke ba.ad khulā dil pe dar-e-ḳhauf-e-sazā
zehan bedār huā subah ke āġhāz ke saath

so.e huoñ meñ ḳhvāb se bedār kaun hai
is ālam-e-ḳhayāl meñ hushiyār kaun hai

maiñ ġhalat vaqt par huā bedār
ye kisī aur kā zamāna hai

so.e hue zarre jaag uThe anvār-e-sahar bedār hue
ehsās-e-zamīñ bedār huā afkār-e-bashar bedār hue

bistar se ḳhazaf reze uTThe aur la.al-o-gohar bedār hue
āñkhoñ ko milā gulzāroñ ne shāḳhoñ par samar bedār hue

phir huī bedār ḳhvāhish aañkh meñ aa.ī chamak
phir kisī ko dhuup sā malbūs pahnāyā gayā

guftugū kitnī bhī maj.hūl ho māthā hamvār
kaan bedār raheñ āñkheñ nihāyat gahrī

hai ek fitna-e-bedār husn-e-ḳhvābīda
sambhal ki ghaat meñ vo chashm-e-nīm-bāz na ho

garmi-e-ishq ne baḳhshā hai ye aalam varna
husn bedār na thā merī nazar se pahle

ḳhvāb-e-ġhaflat se na bedār hue ham jo abhī
zulm baḌhtā hī rahegā ye sahar hone tak

phir ujālā hī ujālā nazar aatā hai 'sirāj'
dil ho bedār to duniyā meñ kabhī shaam nahīñ