Tags-Bedaar

hazār fitna-e-bedār ḳhvāb-e-rañgīñ meñ
chaman meñ ġhuncha-e-gul-rañg laa.e haiñ kyā kyā

vo niiñd thī ki maut mujhe kuchh pata nahīñ
gahre ghane sukūt ne bedār kar diyā

sahar kī dhundlī sī raushnī meñ tamām din kī basīrateñ huuñ
shu.ūr bedār karne vaale hamārī āñkhoñ meñ ḳhvāb rakhnā

hālāt ab to itne dushvār ho ga.e haiñ
ham nīm-shab meñ akasr bedār ho ga.e haiñ

'sarvar' kī ek baat ne bedār kar diyā
chehre pe sard aab kā chhīñTā diyā mujhe

letī hai jab añgḌā.ī bedār kiran koī
hotā hai 'ziyā' ḳhud hī raqsāñ bhī ġhazal-ḳhvāñ bhī

aamad nahīñ kisī kī to kyuuñ jāgte ho 'bahr'
rahtā hai shab ko koī bhī bedār be-sabab

maiñ us se ḳhvāb ke raste pe milne aayā huuñ
magar vo niiñd se bedār hone vaalā hai

ye jo bedār bhī haiñ so.e hue bhī in meñ
shaam kis kī hai ḳhudā jaane saverā kis kā

jab hasrat-o-armāñ miT jaa.eñ kuchh aas na ho kuchh yaas na ho
jab maut kī niiñd aa.e dil ko bedār mohabbat hotī hai

aañkh jo ishva-e-pur-kār liye phirtī hai
muzhda-e-tāle-e-bedār liye phirtī hai

bedār haiñ shu.ūr kī kirneñ kahīñ kahīñ
har zehn meñ hai vahm kā tārīk rāsta

juuñ misāl us kī numūdār huī tuuñ hī 'bayāñ'
tapish-e-dil ne kiyā ḳhvāb se bedār mujhe

be-ḳhvābī-e-paiham se bezār bhī karnā hai
bastī ko kisī sūrat bedār bhī karnā hai

jab tire ḳhvāb se bedār huā karte the
ham kisī rañj se do-chār huā karte the

yūñhī taktā rahā tāroñ ko sahar hone tak
raat bhar dīda-e-bedār ne sone na diyā

palkeñ bojhal haiñ madhur niiñd ke maare lekin
jaane kyā baat hai bedār haiñ terī āñkheñ

jab maiñ soyā to rakhā us ne mire haath pe haath
baḳht-e-kam-baḳht bhī kis vaqt pe bedār huā

sahrā meñ zamāñ makāñ ke kho jaatī haiñ
sadiyoñ bedār rah ke so jaatī haiñ

mujh ko is zulmat-e-shab-zār se nisbat hī kyā
merī bedār nazar sub.h ke āsār pe hai