English
Favourite
Favourite
UrduShayarUrduShayar
Expand menu
Sign inAccount

Tags-Aahat

terī aahaT qadam qadam aur maiñ
is ma.ayyat meñ bhī rahā tanhā
Ghazal
 dil ne ek ek dukh saha tanha
kaan aahaT kī raah se na haTe
dil meñ thā kis ke aane kā khaTkā
Ghazal
 aashiqi mein hai jaan ka khaTka
manzil manzil chal kar jab bhī aa.ī lahū meñ Duubī raat
aahaT aahaT qatl huā hai qadmoñ meñ sar dekhā hai
Ghazal
 kisi se puchhen kaun batae kis ne mahshar dekha hai
ham ahl-e-intizār ke aahaT pe kaan the
ThanDī havā thī ġham thā tirā Dhal chalī thī raat
Ghazal
 ye nikhaton ki narm-rawi ye hawa ye raat
niiñd aa.e to achānak tirī aahaT sun luuñ
jaag uTThūñ to badan se tirī ḳhushbū aa.e
Ghazal
 muntazir dasht-e-dil-o-jaan hai ki aahu aae
un ke hī qadmoñ kī aahaT raat bhar aatī rahī
dil kī har dhaḌkan pe ham samjhe ki vo ḳhud aa ga.e
Ghazal
 raushni lene chale the aur andhere chha gae
dil jaise mele meñ khoyā ik bachcha
har aahaT kī or lapaktā rahtā hai
Ghazal
 lamha lamha dard Tapakta rahta hai
ik aahaT sī hotī rahtī hai dil meñ
is sahrā meñ kaun bhaTaktā rahtā hai
Ghazal
 lamha lamha dard Tapakta rahta hai
rastoñ meñ zinda thī aahaT qadmoñ kī
galiyāñ kyā ḳhushbū mahkāne vaalī thiiñ
Ghazal
 subhen kaisi aag lagane wali thin
maiñ is sañgīn sannāTe meñ 'qā.em'
kisī tūfāñ kī aahaT sun rahā huuñ
Ghazal
 khuli khiDki se din bhar jhankta hun
nañge paañv kī aahaT thī yā narm havā kā jhoñkā thā
pichhle pahar ke sannāTe meñ dil dīvāna chauñkā thā
Ghazal
 nange panw ki aahaT thi ya narm hawa ka jhonka tha
taare TuuTe to fazā meñ tirī aahaT gūñjī
chāñd niklā to tirā chehra-e-zebā dekhā
Ghazal
 yun to is jalwa-gah-e-husn mein kya kya dekha
har saa.e pe aahaT pe nazar rakhtā huuñ shab bhar
bistar pe nahīñ jaatā huuñ Dar jaane ke Dar se
Ghazal
 KHud par koi tufan guzar jaane ke Dar se
ab tak mere gītoñ meñ ummīd bhī thī paspā.ī bhī
maut ke qadmoñ kī aahaT bhī jīvan kī añgḌā.ī bhī
Nazm
 mere git tumhaare hain
shor kaisā apnī aahaT bhī na sun pāoge tum
is safar meñ aisā sannāTā to aksar aa.egā
Ghazal
 dar-ba-dar ki KHak peshani pe mal kar aaega
hañgām-e-yād dil meñ na aahaT na dastakeñ
shorish-kade meñ raat ḳhamoshī kā rañg thā
Ghazal
 teri inayaton ka ajab rang Dhang tha
tire qadmoñ kī aahaT rahguzar-dar-rahguzar raushan
tirī aamad kī ḳhushbū jā-ba-jā bikhrī huī sī
Ghazal
 har ek lamha hamein humse juda karti hui si
koī aahaT koī dastak kuchh nahīñ kuchh bhī nahīñ
bhūlī bisrī ik kahānī ho ga.e achchhā huā
Ghazal
 rafta rafta sab manazir kho gae achchha hua
raat ke pichhle pahar ik sansanāhaT sī huī
aur phir ek aur phir ek aur aahaT sī huī
Sher
 raat ke pichhle pahar ek sansanahaT si hui
ḳhirām-e-yār kī aahaT sī dil se aatī hai
sarishk-e-ḳhūñ se charāġhāñ kā ehtimām karo
Ghazal
 hisab-e-umr karo ya hisab-e-jam karo
Top Urdushayar.com