Tags-But

dushman-e-'momin' hī rahe but sadā
mujh se mire naam ne ye kyā kiyā

rāh-e-talab meñ chalte phirte lākhoñ aate jaate haiñ
ḳhalq meñ hai ushshāq kī manzil ka.aba bhī but-ḳhāna bhī

mujh ko ka.abe meñ bhī hamesha shaiḳh
yād-e-ayyām-e-but-parastī thī

pindār-e-zohd ho ki ġhurūr-e-barhamanī
is dair-e-but-shikan meñ hai har but shikastnī

dī qasam vasl meñ us but ko ḳhudā kī to kahā
tujh ko aatā hai ḳhudā yaad hamāre hote

ḳhudā se nahīñ kaam ab ham ko yaaro
ki ik but ko apnā ḳhudā kar chuke ham

tum rañg ho tum nuur ho tum shīsha ho tum jaam
kirnoñ se bharī sub.h ho tāroñ se bharī shaam

ilāhī ek dil kis kis ko duuñ maiñ
hazāroñ but haiñ yaañ hindostāñ hai

kahūñ to kis se kahūñ ai mire but-e-ma.asūm
matā-e-qalb-o-nazar haar kar huā ma.alūm

mujhe mushrik na samjho maiñ muvahhid huuñ zamāne meñ
tasāvīr-e-ḳhayālī se bharā hai merā but-ḳhāna

zabān-e-shauq par rakh rakh ke ilzām-e-suḳhan-sāzī
but-e-ḳhāmosh ne mujh ko zabān-dāñ ban ke luuTā hai

but-parastī tak pahuñchtī hai kahāñ nāseh ye baat
ḳhush huā kartā huuñ maiñ ḳhush-rañg patthar dekh kar

har ik qadam uThā thā na.e mausamoñ ke saath
vo jo sanam tarāsh thā but pūjtā na thā

dil ko but-ḳhāna kar ke ka.abe chale
zāhido zāhido ḳhudā-hāfiz

chale but-ḳhāne ko ḳhudā-hāfiz
tum bhī zāhid kaho ḳhudā-hāfiz

ye sochtā huuñ ki maiñ but-parast kyuuñ na huā
tujhe qarīb jo pā.ūñ to ḳhud se Dar jā.ūñ

'azīz-qaisī' kahāñ rahe to ki raat us but kī anjuman meñ
hujūm-e-naġhma meñ zikr sun kar kisī divāne kā ro paḌe ham

ye na pūchho rah-navardān-e-haram
kaun chhūTā ham se but-ḳhāne ke saath

bahut ai dil tirī rūdād-e-ġham ne tuul khīñchā hai
kabhī vo but bhī sunñe ko ye qissa muḳhtasar aayā

mai-kade meñ bāda-kash but-ḳhāne meñ haiñ but-parast
jo hai aalam meñ vo apnī anjuman meñ mast hai