English
Favourite
Favourite
UrduShayarUrduShayar
Expand menu
Sign inAccount

Tags-But

muzhda ai ka.aba-o-but-ḳhāna mirā husn-e-nazar
but-tarāshī meñ bhī māhir hai ḳhudā-sāz bhī hai
Ghazal
 mere nalon mein nihan soz bhi hai saz bhi hai
jitne the tire jalve sab ban ga.e but-ḳhāne
ab chashm-e-tamāshā.ī kyuuñ kar tujhe pahchāne
Ghazal
 jitne the tere jalwe sab ban gae but-KHane
chalā hai ka.abe ko but-ḳhāne se 'razā' yaaro
kisī ne aisā ḳhudā.ī-ḳharāb dekhā hai
Sher
 chala hai kabe ko but-KHane se raza yaro
but banāne pūjne phir toḌne ke vāste
ḳhud-parastī ko nayā har roz patthar chāhiye
Ghazal
 un ko roz ek taza hila ek KHanjar chahiye
ā.īna-e-vahdat hai dil-e-sāf hamārā
kis but meñ nazar shān-e-ḳhudā ko nahīñ dekhā
Ghazal
 kyun kahte ho kya meri jafa ko nahin dekha
paas us but ke jo ġhair aa ke koī baiTh gayā
dard uTThā yā mire jis meñ ki jī baiTh gayā
Ghazal
 pas us but ke jo ghair aa ke koi baiTh gaya
but banā baiThā rahā 'hasrat' huzūr-e-husn meñ
kah ga.e apnī zabāñ meñ ashk tharrā.e hue
Ghazal
 aaKHiri ummid bhi aankhon se chhalkae hue
mire but-ḳhāne se ho kar chalā jā ka.abe ko zāhid
ba-zāhir farq hai bātin meñ donoñ ek raste haiñ
Sher
 mere but-KHane se ho kar chala ja kabe ko zahid
tumhārī mohabbat ko zindagī dene ke liye
maiñ ne to apne saare but toḌ liye
Nazm
 nim-libasi ka nauha
naam ik but kā lab pe hai vaa.iz
hai yahī vird sub.h o shaam mirā
Ghazal
 dekhiye to KHayal-e-KHam mera
but-e-paimāñ-shikan se intiqāman hī sahī lekin
sitam hai vāda-e-tark-e-tamannā kar liyā maiñ ne
Ghazal
 dil-e-iza-talab le tera kahna kar liya maine
yuuñ to aatā nahīñ ai kaash mire ghar koī
phere nashshe meñ ġhalat us but-e-mai-nosh kī raah
Ghazal
 chhup ke nazron se in aankhon ki faramosh ki rah
vo but bhī dushman-e-īmān-o-āgahī thā magar
use jo dekhā to ham ne ḳhudā ko maan liyā
Ghazal
 rah-e-wafa ke har ek pech-o-KHam ko jaan liya
koī darvāze kī dastak kaan meñ paḌtī nahīñ
but banā baiThā huuñ ghar meñ dhyān shahnā.ī meñ hai
Ghazal
 nam is allah ke bande ka bhi ruswai mein hai
qible suuñ muuñh phirāyā tire mukh kī jānib
kiyā zāhid ne make suuñ sū-e-but-ḳhāna safar
Ghazal
 ek pal ja na kahun nain sun ai nur-e-basar
na dil apnā huā apnā na ik but par huā qaabū
kareñge yaad kiyā ham ai ḳhudā tere ḳhudā.ī ko
Ghazal
 fughan-o-ah se paida kiya dard-e-judai ko
dam-e-naz.a bhī jo vo but mujhe aa ke muñh dikhātā
to ḳhudā ke muñh se itnā na maiñ sharmsār hotā
Ghazal
 mere bas mein ya to ya-rab wo sitam-shiar hota
sajda karne ko hotā huuñ ek bahut hī baḌe but kā
aur phir sochtā huuñ ye chhoTī sī peshānī kam na paḌe
Ghazal
 sahra ke sangin safar mein aab-rasani kam na paDe
pochhiye mat kyā huā kaise huā
but koī merā ḳhudā kaise huā
Ghazal
 pochhiye mat kya hua kaise hua
chille kī mānind khīñchūñ jab talak bar meñ na tañg
kab miTe hai us but-e-harjā.ī-e-chanchal kī chul
Ghazal
 kab talak piwega tu tar-damanon se mil ke mul
Top Urdushayar.com