Tags-But

ḳhudā.ī kā agar karte haiñ da.avā but nahīñ bejā
nigāh-e-lutf se dekheñ to taqdīreñ badaltī haiñ

kareñge zulm duniyā par ye but aur āsmāñ kab tak
rahegā piir ye kab tak rahoge tum javāñ kab tak

but-ḳhāne meñ kyā yād-e-ilāhī nahīñ mumkin
nāqūs se kyā kār-e-azāñ ho nahīñ saktā

kufr-o-islām meñ tauleñ jo haqīqat terī
but-kada kyā ki haram sañg-e-tarāzū ho jaa.e

shikasta sañg baḌe āstāñ ke vāris haiñ
ki thā maqām-e-mua.allā ye but jahāñ se gire

juuñ ġhuncha 'nasīr' us but-e-gul-rū kī jo hai yaad
yaañ sar ho garebāñ se baham uTh nahīñ saktā

jānib-e-ka.aba tū kyuuñ le gayā but-ḳhāne se
mujh se dīvāne ko ai ishq na bahkānā thā

tujh mukh kī parastish meñ ga.ī umr mirī saarī
ai but kī pujan-hārī Tuk us ko pujātī jā

barahman shaiḳh ko kar de nigāh-e-nāz us but kī
gulū-e-zohd meñ tār-e-nazar zunnār ban jaa.e

parastish kī yaañ tak ki ai but tujhe
nazar meñ sabhoñ kī ḳhudā kar chale

ka.abe meñ ho yā but-ḳhāne meñ hone ko to sar ḳham hotā hai
hotā hai jahāñ tū jalva-numā kuchh aur hī aalam hotā hai

ye kah gayā but-e-nā-āshnā sunā ke mujhe
ki aap meñ nahīñ rahtā hai koī pā ke mujhe

maiñ us but kā vasl ai ḳhudā chāhtā huuñ
maraz ishq kā hai davā chāhtā huuñ

dekh kar masjid meñ mujh ko muztarib
mere ġham meñ but-kada rone lagā

ye maanā raat āñkhoñ meñ kaTī
ek ek pal but sā ban kar jam gayā

shikva sun kar jo mizāj-e-but-e-bad-ḳhū badlā
ham ne bhī saath hī taqrīr kā pahlū badlā

kal us but-e-bā-vafā se mil kar jo aur betāb ho gayā dil
huā ye zāhir ki ranj-o-ġham kī jahāñ meñ koī davā nahīñ hai

vafā-dārī ba-shart-e-ustuvārī asl īmāñ hai
mare but-ḳhāne meñ to kaabe meñ gaaḌo birhman ko

shab huī phir anjuman-e-raḳhshanda kā manzar khulā
is takalluf se ki goyā but-kade kā dar khulā

us but ke nahāne se huā saaf ye paanī
motī bhī sadaf meñ tah-e-dariyā nazar aayā