Collections

Lab Shayari

Motivational Ghazals

Best Khamoshi Shayari

More Collections

Tags-But

jism ke ḳhol se niklūñ to qazā ko dekhūñ
but ko raste se haTā.ūñ to ḳhudā ko dekhūñ

jism ke KHol se niklun to qaza ko dekhun

usī se maiñ ne duā yuuñ hamesha hī māñgī
agar vo but hai to us ko ḳhudā banānā hai

hawa ki zid mein hamein ab dua jalana hai

kal shab se kuchh ḳhayāl mujhe but-kade kā hai
suntā huuñ ik charāġh jalā ratjage hue

naqshe usi ke dil mein hain ab tak khinche hue

shak nahīñ hai hameñ us but ke ḳhudā hone meñ
chain hī chain hai rāzī-ba-razā hone meñ

shak nahin hai hamein us but ke KHuda hone mein

ho ke qadmoñ pe nichhāvar phuul ne but se kahā
ḳhaak meñ mil kar bhī maiñ ḳhushbū bachā le jā.ūñgā

main to jhonka hun hawaon ka uDa le jaunga

yā to mujh se chhīn lo ye but-tarāshī kā hunar
varna maiñ jo but tarāshūñ to ḳhudā ho jā.egā

main dua mangun to dil mujhse KHafa ho jaega

agar ehtiyāt-e-ḳhitāb ho lab-e-sañg khil ke gulāb ho
tū kisī sanam ko sadā to de dar-e-but-kada abhī baaz hai

shab-o-roz jaise Thahar gae koi naz hai na niyaz hai

ai but haiñ husn meñ tirī mash.hūr piñDliyāñ
aisī kahāñ se laa.e parī huur piñDliyāñ

ai but hain husn mein teri mashhur pinDliyan

bandagī but kī ḳhudā ke bande
kufr īmān hai kyā mushkil hai

wasl aasan hai kya mushkil hai

phal hai us but kī āshnā.ī kā
mujh ko da.avā hai ab ḳhudā.ī kā

phal hai us but ki aashnai ka

kuchh mirā hī nahīñ vo but ma.abūd
ba-ḳhudā hai ḳhudā ḳhudā.ī kā

phal hai us but ki aashnai ka

ye āñkhoñ meñ jo kuchh hairat hai kyā vo bhī tumheñ de deñ
banā kar but hameñ ab ḳhāmushī se chāhte kyā ho

pukare ja rahe ho ajnabi se chahte kya ho

zi-bas kāfir-adāyoñ ne chalā.e sañg-e-be-rahmī
agar sab jama.a kartā maiñ to but-ḳhāne hue hote

zi-bas kafir-adayon ne chalae sang-e-be-rahmi

but kī qīmat aañk rahā thā vaise vo
mandir meñ to puujā karne aayā thā

darwaza wa kar ke roz nikalta tha

ghar ḳhudā kā thā magar but is meñ aa kar bas ga.e
ab muraqqa.a hai hasīnoñ kā hamārā dil nahīñ

ab dimagh-o-dil mein wo quwwat nahin wo dil nahin

vo but parī hai nikāleñ na bāl-o-par ta.avīz
haiñ donoñ baazū pe is ke idhar udhar ta.avīz

wo but pari hai nikalen na baal-o-par tawiz

mujh se marmar kā vo tarshā huā but kahtā thā
fan mirī raah kā patthar hai mujhe fan se nikāl

wahi KHushbu kabhi gulshan se kabhi ban se nikal

Thukrā.e bhī na aa ke lahad fātiha kujā
mar kar huā huuñ us but-e-qātil se dil uchāT

saqi tere baghair hai mahfil se dil uchaT

is but ke dar pe ġhair se 'akbar' ne kah diyā
zar hī maiñ dene laayā huuñ jaan aap dījiye

apni girah se kuchh na mujhe aap dijiye

ḳhudā-parast mile aur na but-parast mile
mile jo log vo apne nashe meñ mast mile

KHuda-parast mile aur na but-parast mile