Tags-But

us ke har naqsh-e-qadam par kareñ āshiq sajda
but-e-kāfir kī vo raftār hai allāh allāh

vaañ jo kuchh ka.abe meñ asrār hai allāh allāh
so mire but meñ numūdār hai allāh allāh

yuuñ takabbur na karo ham bhī haiñ bande us ke
sajde but karte haiñ haamī jo ḳhudā hotā hai

jise kal raat bhar puujā gayā thā
vo but kyuuñ sub.h ko TuuTā huā thā

yaqīñ duniyā nahīñ kartī magar hai tajraba merā
sukūñ to but-kade meñ hāv-hū karne se miltā hai

shab-parastoñ ke nagar meñ but-parastī hī na thī
vahshateñ thiiñ sañg-e-marmar bhī thā kārīgar bhī the

raushan tamām kaaba o but-ḳhāna ho gayā
ghar-ghar jamāl-e-yār kā afsāna ho gayā

dushman se aur hotīñ bahut bāteñ pyaar kī
shukr-e-ḳhudā ye hai ki vo but kam-suḳhan huā

allāh-re ro.ab-e-husn ki us but ke sāmne
aa.ī jo baat dil se zabāñ par vahīñ rahī

ye sanam bhī ghaTor kitne haiñ
but bane sun rahe haiñ jitne haiñ

dariyā-o-mauj sā kabhī ham se judā na ho
ai but ḳhudā talak bhī tirā āshnā na ho

tashbīh ke afsūñ kā asar pūchho na 'ra.anā'
shamshīr meñ us but kī nazar DhūñDh rahā huuñ

mil rahe the dast-e-ulfat se mujhe jām-e-sharāb
mehrbāñ thā vo but-e-nā-mehrabāñ kal raat ko

'auj' kī bhī kā.enāt-e-jān-o-dil
o but-e-zohra-shamā.il luuT le

kis ke kahlā.eñ ham ki tere sivā
but-e-tannāz kaun hai apnā

jo tū ne hazāroñ va.ade kiye lekin vo kabhī iifā na hue
dil hī haiñ rahe armān mire ai va.ada-shikan but hīla-gire

liyā ishq meñ jog bhikārī bane tire naqsh-e-qadam ke pujārī bane
kabhī sajde kiye kabhī gird phire but sīm-bare zarrīñ-kamre

ulfat meñ tirī ai but-e-be-mehr-o-mohabbat
aayā hameñ ik haath se taalī kā bajānā

talab kā hausla hotā to ik din
ḳhitāb us but se bebākāna na karte