Tags-But

ḳhāl-e-hindū haiñ parastish ke liye aa.e haiñ
putliyāñ āñkhoñ kī do but haiñ kalīsā hai vo ruḳh

ham bhī sākit haiñ jumūd un par bhī
ḳhud ko but samjheñ ki aazar socheñ

ham samajh hī na sake terī nazar kā mafhūm
varna yuuñ but se bane raah meñ baiThe hote

apne ehsās pe khīñcho na lakīreñ 'shahnāz'
toḌ bhī Daalo but-e-rahzan-e-bīnā.ī ko

kahīñ tū hai kahīñ tasvīr terī
na ka.aba hai na koī but-kada hai

ham pe to pahle hī zāhir thā ma.āl-e-bandagī
pūjne jāoge jis but ko ḳhudā ho jā.egā

jinheñ but-garoñ ne chāhā ki sanam banā ke pūjeñ
ye jo duur ke hasīñ haiñ unheñ paas lā ke pūjeñ

but kahte haiñ kyā haal hai kuchh muñh se to bolo
ham kahte haiñ suntā nahīñ allāh hamārī

mileñge tumheñ raah meñ but-kade bhī
zarā apne allāh ko yaad rakhnā

sho.ala-e-sham-e-haram husn-e-butāñ se hai ḳhajil
mujh ko ḳhatra hai ki lag jaa.e na but-ḳhāne meñ aag

us but ko kiyā raam na soz-e-jigrī se
naale mire badnām hue be-asarī se

bojh se aap hī mar jā.egā kyuuñ ho badnām
ye samajh kar but-e-saffāk ne sar chhoḌ diyā

ye nahīñ hai rah-e-but-ḳhāna kidhar jaanā hai
aaj se ham ne tirā saath ḳhizar chhoḌ diyā

kam-ayārī ne ḳhudā-soz banāyā aisā
but to sab yaad rahe ek ḳhudā bhuul ga.e

ye kāfir but jinheñ da.avā hai duniyā meñ ḳhudā.ī kā
mileñ mahshar meñ mujh aasī ko sadqa kibriyā.ī kā

ki jaise sañg ke siine meñ koī but hai nihāñ
usī tarah koī sūrat taḳhaiyyulāt meñ hai

us but-e-kāfir ko jo dekhā bahut nazdīk se
naqsh-gar kī shoḳhi-e-tahrīr raushan ho ga.ī

ye hindustān hai yaañ par butoñ kā roz mela hai
ḳhudā jaane vo but ai 'mehr' devī hai ki durgā hai

kabhī mai-kada kabhī but-kada kabhī ka.aba to kabhī ḳhānqāh
ye tirī talab kā junūn thā mujhe kab kisī se lagāv thā