Tags-But

but jinheñ ham ne tarāshā aur ḳhudā.ī sauñp dī
aa ga.e haiñ sāmne patthar vahī taane hue

tujh se milne par but-e-bedard ye uqda khulā
bholī-bhālī shakl vaale hote haiñ jallād bhī

aur apne haq meñ ta.an-e-taġhāful ġhazab huā
ġhairoñ se multafit but-e-ḳhud-kām ho gayā

ḳhvāh kāfir mujhe kah ḳhvāh musalmān ai shaiḳh
but ke hāthoñ meñ bikāyā huuñ ḳhudā kī saugand

'farhat' aisī but-parastī ke nisār
but bhī mahv-e-lan-tarānī ho ga.e

hotā hai saaf rū-e-kitābī se ye ayaañ
kāfir hai go vo but magar ahl-e-kitāb hai

ham ne 'shagufta' us but-e-kāfir ko pyaar meñ
apnā samajh ke maal parāyā dikhā diyā

us but ko dil dikhā ke kaleja dikhā diyā
asbāb apnī zaat kā saarā dikhā diyā

jo maiñ zāhir meñ huuñ vo to sarāb-e-zāt hai yaaro
maiñ apne zehn ke but-ḳhāna-e-āzar meñ rahtā huuñ

ab ye aalam hai ki har patthar se Takrātā huuñ sar
maar Daalā ek but ne bandagī ke naam par

sab ko maqbūl hai da.avā tirī yaktā.ī kā
rū-ba-rū koī but-e-ā.ina-sīmā na huā

maiñ koī but to nahīñ 'ātish' mulā.em barf kā
aañch se ik din magar apnī pighalnā hai mujhe

dar se phir us but-e-pur-fan ke hamāre naale
saaf zāhir hai ki māyūs-e-asar ā.eñge

mashkūk hai ab har shai āñkhoñ meñ 'suhail' apnī
ham ne but-e-kāfir par īmān bahut rakkhā

qadr mere gauhar-e-dil kī kuchh us but ne na kī
but-kada līlām hotā maiñ jo qīmat māñgtā

kyā hai nām-e-ḳhudā hai merā sanam
but jise kahte haiñ ḳhudā hai ye

mil gayā mujh ko parī-ḳhāna-e-dil meñ āḳhir
jis ko DhūñDā thā bahut ka.abe meñ but-ḳhāne meñ

ḳhudā maujūd hai jo har jagah to phir
aqīdat-kesh but-ḳhānoñ se kyuuñ uljheñ?

kyuuñ nishāñ chhoḌ ga.e tez-ravān-e-rah-e-ishq
ka.aba-o-but-kada ko chāhiye Dhāte jaate

jilā.e yā ham ko koī maare bahisht de yā saqar meñ Daale
rahegā us but kā naam lab par hamāre jab tak ki dam meñ dam hai