Tags-Chehra

dil kī rāhoñ meñ ba-har-sūrat rahī ik raushnī
chāñd tere dard kā baḌhtā bhī thā ghaTtā bhī thā

terī sūrat ko dekhtā huuñ maiñ
us kī qudrat ko dekhtā huuñ maiñ

dekhne aa.e haiñ jo merī nabz
un kī sūrat ko dekhtā huuñ maiñ

ai shauq-e-nazāra kyā kahiye nazroñ meñ koī sūrat hī nahīñ
ai zauq-e-tasavvur kyā kiije ham sūrat-e-jānāñ bhuul ga.e

dastak de zanjīr kī sūrat aa
dast-e-navā tahrīr kī sūrat aa

ḳhushk āñkhoñ ko diid se ḳhīra kar
ḳhvāb ubhar shamshīr kī sūrat aa

ma.anī lafz kī lauh ko nigale jab
misl-e-kun ta.abīr kī sūrat aa

tarz-e-kashīda kyuuñ ye tirā mujh se
taur-e-jarāhat tiir kī sūrat aa

milnā kyā hai baiTh kināre ho
kuchh to bane ta.amīr kī sūrat aa

tiin āsmānoñ se nahīñ chhuptā hai āftāb
kab ik naqāb se tirī sūrat chhipī rahe

ek maiñ hī zamīñ kī sūrat huuñ
aur baaqī to āsmāñ haiñ sab

jiine kī sūrat us kī Thahartī hai koī dam
is vaqt meñ bhī pahuñcho jo us be-qarār tak

ai mo.arriḳh mirī ujḌī huī sūrat pe na jā
shahr-e-vīrāñ huuñ magar vaqt kā sarmāya huuñ

baiTh jā.ūñ na thak ke misl-e-ġhubār
dasht meñ sūrat-e-sabā kar de

ye āb-dīda Thahar jaa.e jhiil kī sūrat
ki ek chāñd kā TukḌā nahānā chāhtā hai

huuñ muztarib magar tirī sūrat nazar meñ hai
pahlū bhī ik sukūn kā dard-e-jigar meñ hai

koī sūrat nikālo zindagī kī
ki ab ġham se bahaltā jā rahā huuñ

sañg kī sūrat paḌā huuñ vaqt kī dahlīz par
Thokaroñ meñ zindagī hai aañkh meñ aañsū nahīñ

maiñ apnī sūrat ko ā.īne meñ
huuñ dekh kar aaj saḳht hairāñ

sūrat thī vo ki barq sī badliyoñ kī thī oT meñ
pardoñ se jhāñk jhāñk kar pardoñ meñ hī nihāñ huī