Tags-Chehra

ajab sūrat se dil ghabrā rahā hai
hañsī ke saath ronā aa rahā hai

apnī sūrat dekhnā ho apne dil meñ dekhiye
dil sā duniyā meñ koī bhī aa.ina miltā nahīñ

tavahhum thā mujhe naqsh-e-duī kis tarah miTtā hai
naqāb-e-ruḳh ulaT kar is ne sūrat khīñch dī merī

dhīre dhīre zaḳhm āḳhir bhar ga.e
bas zarā sūrat hī kajlā.ī rahī

zindagī merī hai kashkol-e-tahī kī sūrat
us bhikārī se maiñ māñgūñ bhī to kyā zar māñgūñ

'amīn-ashraf' vo rahtā hai kahīñ is shahr meñ lekin
mile koī to pūchhūñ sūrat-e-dīvār-o-dar kyā hai

toḌ lenā shāḳh se tujh ko mirā aa.iiñ nahīñ
ye nazar ġhair-az-nigāh-e-chashm-e-sūrat-bīñ nahīñ

jab tire ġham se nikalne kī na sūrat nikle
terā vahshī kisī dīvār se jā lagtā hai

har gul us baaġh kā nazroñ meñ dahāñ hai goyā
sūrat-e-ġhuncha jo dekhūñ to zabāñ hai goyā

sūkhe dariyāoñ kī sūrat qatra qatra tarseñ
jaane kab chamkegā sūraj kab pighlegī barf

kah denā un ke tālib-e-dīdār se yahī
mir.at ke dil meñ sūrat-e-hairat rahā kare

maiñ ne dekhī nahīñ barsoñ se ḳhud apnī sūrat
mere ā.īne se rūThā hai sarāpā merā

muñh hamārā jalva-e-dīdār ke laa.eq kahāñ
apnī sūrat dekhte haiñ terī sūrat dekh kar

dekhiye mahshar meñ bhī sūrat dikhā.e yā nahīñ
subah bhāgī hai shab-e-hijrāñ kī zulmat dekh kar

is qadar be-ḳhud huā āsār-e-vahshat dekh kar
ā.īna se naam pūchhā apnī sūrat dekh kar

na saaqī hai na miinā hai na bar meñ yār-e-jānī hai
haqīqat meñ nahīñ jiite ba-sūrat zindagānī hai

sūrat ko ma.anī ke ta.iiñ darkār hai kuchh fāsla
jab tak thā aage aañkh ke maiñ ne to dekhā kuchh nahīñ

asl se naqal baḌh na jaa.e kahīñ
fan-e-sūrat-garī se Dartī huuñ

aamad pe us kī phuul kī sūrat tamām raat
ek us kī rahguzar pe bikharnā paḌā mujhe

maiñ apne matlab kī kah rahā huuñ vo ā.ina-rū ik aib meñ hai
bhalā ho milne kī ḳhaak sūrat savāl dīgar javāb dīgar