Tags-Cigarette

raat ne yādoñ kī māchis se nikālī tīliyāñ
aur ik cigarette sulgī uñgliyoñ meñ aa ga.ī

laboñ se niklī siskārī sī
cigarette ik sulgāyā

bolā cigarette ki bashar shikva-kunāñ haiñ tere
dar-o-dīvār pe paīkoñ ke nishāñ haiñ tere

is pe cigarette ne kahā paan se ye kyā hai sitam
chhāñv meñ paltā hai aur tū hai baḌā sabz qadam

cigarette se jo sune paan ne ye talḳh suḳhan
bolā ḳhāmosh ki achchhā nahīñ hāsid kā chalan

cigarette ne ye ik paan ke biiḌe se kahā
tū hamesha se parī-rūoñ ke jhurmuT meñ rahā

paan kahne lagā cigarette se ki iblīs-e-laīñ
terī tambākū se jaatī hai badan meñ nicotine

hasīn kafūrī uñgliyoñ meñ safed cigarette liye
vo laḌkī khaḌī khaḌī apne shangarfī narm hoñToñ se yuuñ lagātī

pahlī cigarette pahlā ḳhvāb aur pahlā ishq
in tīnoñ meñ ek bhī mujh ko yaad nahīñ

cigarette jise sulagtā huā koī chhoḌ de
us kā dhuāñ huuñ aur pareshāñ dhuāñ huuñ maiñ

dhīmā dhīmā sā nuur jaise tah-e-sāz
baḌhtā jaatā hai chhaTke tāroñ kā gudāz

akasr raat ga.e tak maiñ chaukhaT par baiThā rahtā huuñ
cigarette piitā chāñd ko taktā man meñ biktā rahtā huuñ

jaise nākām koī shaḳhs ho vaise 'sāhir'
ek cigarette ko jalātā huā jaatā huā tū

saarā ġhussa ab bas is kaam aatā hai
ham is se cigarette sulgāyā karte haiñ

nahīñ thā dhyān koī toḌte hue cigarette
maiñ tujh ko bhuul gayā chhoḌte hue cigarette

koī cigarette mazā na degā to phir
capstan paal mall khīñcheñge

mujh se mat bolo maiñ aaj bharā baiThā huuñ
cigarette ke donoñ paikeT bilkul ḳhālī haiñ

pahle cigarette baap se chhup kar piite the
ab beTe se chhup kar piinī paḌtī hai

ik sulagtī huī cigarette kā bal khātā dhuāñ
phailtā jaatā hai har samt mire kamre meñ

garebāñ chāk, dhuāñ, jaam, haath meñ cigarette
shab-e-firāq, ajab haal meñ paḌā huā huuñ