Tags-Cigarette

na lag hoñThoñ se cigarette kī tarah tū
agar mujh ko tirī lat ho ga.ī to

maiñ ik hotel meñ cigarette pī rahā huuñ tum dikhā.ī do

hamāre saañs bhī le kar na bach sake 'afzal'
ye ḳhāk-dān meñ dam toḌte hue cigarette

kal ik malañg ko kuuḌe ke Dher par lā kar
nashe ne toḌ diyā joḌte hue cigarette

mushābah kitne haiñ ham soḳhta-jabīnoñ se
kisī sutūn se sar phoḌte hue cigarette

so yuuñ huā ki pareshāniyoñ meñ piine lage
ġham-e-hayāt se muñh moḌte hue cigarette

nahīñ thā dhyān koī toḌte hue cigarette
maiñ tujh ko bhuul gayā chhoḌte hue cigarette

hammām ke ā.īne meñ shab Duub rahī thī
cigarette se na.e din kā dhuāñ phail rahā thā

tum rañg ho tum nuur ho tum shīsha ho tum jaam
kirnoñ se bharī sub.h ho tāroñ se bharī shaam

hameñ cigarette bhī to piinī thī nikal kar ghar se
apnī uñglī pe ye duniyā bhī nachānī thī hameñ

ham do bande haiñ aur cigarette ek
ab ḳhabar hogī dostī kī dost

DhūñDhtā rahtā huuñ be-sudh maiñ kisī māchis ko
ek cigarette mire hoñToñ se lagī rahtī hai

do haiñ shā.ir sirf cigarette ek hai
baarī baarī kash lagā yā jā rahā hai

dekhne vaale soch rahe haiñ mere muñh meñ cigarette hai
maiñ kahne meñ sharmātā huuñ bosa hai shahzādī kā

hue ḳhatm cigarette ab kyā kareñ ham
hai pichhlā pahar raat ke do baje haiñ

hamāre saañs bhī le kar na bach sake afzal
ye ḳhāk-dān meñ dam toḌte hue cigarette

tumheñ merā cigarette piinā burā lagtā hai
aur mujhe tumhārā raah chaltī laḌkiyoñ par jumle kasnā

rishtoñ ko jab dhuup dikhā.ī jaatī hai
cigarette se cigarette sulgā.ī jaatī hai

zindagī kī cigarette
tumhāre saath piine kī ḳhātir

jab us kā bosa letā thā cigarette kī bū nathnoñ meñ ghus jaatī thī
maiñ tambākū-noshī ko ik aib samajhtā aayā huuñ