Tags-Constitution

ā.īn-e-vafā itnā bhī saada nahīñ hotā
har baar masarrat kā i.aada nahīñ hotā

jis musalle pe chhiḌkiye na sharāb
apne aa.iin meñ vo paak nahīñ

haar hī jiit hai ā.īn-e-vafā kī rū se
ye vo baazī hai jahāñ jiit ke haare saare

abhī banāne haiñ aa.iin dār-o-zondāñ ke
ye farz ham pe muqaddam hai tum na saath chalo

ye pher mohabbat ke tauba ā.īn-e-jafā bhī aam nahīñ
qātil kī chhurī par ḳhuuñ to hai qātil pe magar ilzām nahīñ

sehan-e-masjid ko kiye jā pāmāl
qaid-e-ā.īn-e-tarīqat mat toḌ

ye bhī kyā kam hai ki ummīd-e-karam meñ guzre
rasm-o-ā.īn-e-vafā dahr meñ anqā hī sahī

behūda-sarī sajde meñ hai jaan khapānā
ā.īn-e-mohabbat meñ adab aur hī kuchh hai

sochnā is baab meñ bekār jā.egā tirā
ye mohabbat hai miyāñ us kā alag aa.iin hai

sīkhtā kis tarah ā.īn-e-junūñ ke ādāb
mujh pe maa.il ba-karam diid tumhārī na rahī

dete haiñ jām-e-shahādat mujhe ma.alūm na thā
hai ye ā.īn-e-mohabbat mujhe ma.alūm na thā

sāhil o bahr ke aa.iin salāmat na rahe
ab to sāhil se bhī tūfān uThā karte haiñ

kyā kyā haiñ ā.īn-e-tamāshā kyā kyā haiñ ādāb-e-nazar
chashm-e-havas ye sab kyā jaane vo to nazāra jaane hai

shahr-e-be-mehr meñ lab-basta ġhulāmoñ kī qatār
na.e ā.īn-e-asīrī kī binā chāhtī hai

surūr-e-bāda-e-nā-ḳhurda raqs-e-bazm-e-hayāt
bahut pasand hai ā.īn-e-intizār mujhe

kahīñ duniyā-e-ulfat ko tah-o-bālā na kar Daale
ġhurūr-e-husn ke aa.iin kā dastūr ho jaanā

is qadar ḳhvāboñ ko maslā pā-e-āhan-posh ne
shauq kā aa.iin bil-āḳhir mo.attal ho gayā

ye hijr-e-musalsal rahā ā.īn-e-mohabbat
is dard kī talḳhī se pareshāñ na huā kar

ā.īn-e-zabāñ-bandī jis ahd meñ nāfiz ho
is ahd meñ ḳhāmoshī ho jaa.e hai goyā.ī

maiñ agar sūrat-e-parvāna fidā ho jaatā
un ko andāza-e-ā.īn-e-vafā ho jaatā