Tags-Constitution

tifl-e-bārāñ tājdār-e-ḳhāk amīr-e-bostāñ
māhir-e-ā.īn-e-qudarat nāzim-e-bazm-e-jahāñ

ġhair par lutf maiñ rahīn-e-sitam
mujh se ā.īna-e-bazm-e-yār na pūchh

jahāñ meñ chaar din rah kar faqat bū-e-vafā denā
guloñ se maiñ sabaq letā huuñ ā.īn-e-sohbat kā

ā.īn-e-karam bhuul ga.e ahl-e-nazar bhī
māhaul ko aa.ina dikhā kyuuñ nahīñ dete

huī ījād na.ī tarz-e-ḳhushāmad ki nahīñ
kal kā aa.iin hai ab tak sar-e-masnad ki nahīñ

jis ne zardār-e-ma.īshat ko gavārā na kiyā
jis ko ā.īn-e-musāvāt pe isrār rahā

abhī to husn ke pairoñ pe hai jabr-e-hinā-bandī
abhī hai ishq par ā.īn-e-farsūda kī pābandī

yahāñ kā aa.iin hī ajab hai ki tarz-e-nau kā ye mai-kada hai
jo bekasoñ kā lahū piyegā vo mai-kashoñ meñ shumār hogā

chup raheñ ham to sar-e-dār pukāregā lahū
chand hī roz meñ ā.īn-e-jahāñ kyā hogā

aivān-e-farruḳhī kī tāmīr-e-nau mubārak
ā.īn-e-zindagī kī tadbīr-e-nau mubārak

jab maiñ ne kahā kam karo ā.īn-e-hijāb aur
farmāyā baḌhā dūñgā abhī ek naqāb aur

chaman meñ kyuuñ chalūñ kāñToñ se bach kar
ye ā.īn-e-vafādārī nahīñ hai

bāham ā.īn-e-vafā rasm-e-mohabbat kaisī
vaqt ab vo hai ki bandoñ ko ḳhudā yaad nahīñ

jī kā kuḌhānā mere thā manzūr magar ghaḌyāloñ kī
vasl kī shab jo tā-ba-sahar ghaḌyāleñ be-ā.īn bajīñ

bane to saikḌoñ aa.iin lekin
kisī aa.iin meñ kuchh dam nahīñ hai

maiñ jo gustāḳh huuñ ā.īn-e-ġhazal-ḳhvānī meñ
ye bhī terā hī karam zauq-fazā hotā hai

shar.a-o-ā.īn kī tāzīr ke bā-vasf shabāb
lab-o-ruḳhsār kī jānib nigarāñ hai ki jo thā

is ke aa.iin nahīñ ab jo amal ke qābil
to ise kar do retire ki purānā hai samāj

shahr ke aa.iin meñ ye mad bhī likkhī jā.egī
zinda rahnā hai to qātil kī sifārish chāhiye