Tags-Crime

shauq aisā ki machaltā hai mohabbat ke liye
jurm aisā ki dobārā bhī nahīñ kar saktā

ġharībī jurm hai aisā ki dekh kar mujh ko
nigāheñ pher ke apne parā.e jaate haiñ

be-gunāhī jurm thā apnā so is koshish meñ huuñ
sruḳh-rū maiñ bhī rahūñ qātil bhī sharminda na ho

kam se kam harf-e-tamannā kī sazā itnī to de
jur.at-e-jurm-e-suḳhan bhī mujh ko ā.inda na ho

lailā ne ḳhud qarār diyā hai vafā ko jurm
majnūñ ne vo kitāb-e-mohabbat paḌhī nahīñ

sochte rahte the kyuuñ tār-e-nafas kaTtā nahīñ
be-talab jiinā hamāre jurm kā ḳhamyāza thā

aisā kyā jurm huā hai ki taḌapte marte
apne ehsās kī suulī pe anā ko dekhūñ

usī kā jurm ab usī kī izzat ke saath khilvāḌ kar rahā hai
usī kī tāqat amīr-zāde ke muñh pe kālak sī mal ga.ī hai

ajab thā jurm-e-mohabbat ki jis pe dil ne mire
sazā bhī paa.ī nahīñ aur muaaf bhī na huā

zinda rahne se baḌā jurm bhalā kyā hogā
tāham ik umr guzārī hai sazā hone meñ

zanjīr-e-havādis kī hai jhankār bahar-gām
kyā jurm kiyā thā ki giraftār hue haiñ

baat to jurm-o-sazā kī hai magar mahshar ke din
kuchh na kuchh us se hamārā faisla ho jā.egā

gulshan gulshan shola-e-gul kī zulf-e-sabā kī baat chalī
harf-e-junūñ kī bañd-e-girāñ kī jurm-o-sazā kī baat chalī

Tuk dekh idhar ġhaur kar insāf ye hai vaah
ho jurm o gunah ġhair se aur naam hamārā

zabāñ kyuuñ kholte ho jurm ye duniyā hai ulfat kī
ishāroñ hī ishāroñ meñ yahāñ sab kaam hotā hai

usī ko sochnā paḌtī haiñ tadbīreñ rihā.ī kī
jo taa.ir jurm-e-āzādī meñ zer-e-dām hotā hai

is uljhan ko suljhāne kī kaun sī hai tadbīr likho
ishq agar hai jurm to mujrim rāñjhā hai yā hiir likho

bas ek harf-e-muqarrar ke jurm meñ ham ne
zabāñ pe vaar hazāroñ sahe haiñ ḳhanjar ke

jurm-e-nā-karda-gunāhī hai bahut
zindagī hī kyuuñ na kaffāra bane

hamārā zikr bhī ab jurm ho gayā hai vahāñ
dinoñ kī baat hai mahfil kī aabrū ham the