Tags-Dariya

dasht ke kām-o-dahan ko din kī talḳhī se farāġh
duur dariyā ke kināre dhuñdle dhuñdle se charāġh

jhuTpuTe kā narm-rau dariyā shafaq kā iztirāb
khetiyāñ maidān ḳhāmoshī ġhurūb-e-āftāb

qatra hai ain-e-dariyā dariyā hai ain-e-qatra
bhī donoñ ġhair hī haiñ nādir yū baat paayā

pattiyāñ jhuk ga.iiñ murjhā ga.e sahrā ke shajar
rah ga.e josh meñ bahte hue dariyā tham kar

nashāt-e-dard kā dariyā utarne vaalā hai
maiñ is se aur vo mujh se ubharne vaalā hai

kashtī-e-mai le ke ai saaqī pahuñch bahr-e-ḳhudā
be tire mahfil meñ dariyā-bār āñkheñ ho ga.iiñ

safīna-e-barg-e-gul banā legā qāfila mor-e-nā-tavāñ kā
hazār maujoñ kī ho kashākash magar ye dariyā se paar hogā

jaao dariyā pe na tum ġhair ke saath
aise meñDhe to laḌāyā na karo

dhoke dariyā meñ bhabūkā se haath
aag paanī meñ lagāyā na karo

ik dard kā phailā huā sahrā hai ki maiñ huuñ
ik mauj meñ aayā huā dariyā hai ki tum ho

na shor chāhiye dariyā kī tund maujoñ kā
mire lahū ko samundar kī ḳhāmushī denā

karam hai dariyā-diloñ kī zīnat kahāñ baḳhīloñ kī hai ye tīnat
use tavañgar nahīñ kaheñge jo koī mohtāj-e-dil ġhanī hai

dil meñ ik gauhar-e-ḳhūbī kī mohabbat kā hai josh
āj-kal bhātā hai dariyā kā kinārā mujh ko

ba-qadr-e-hasrat-e-dil chāhiye zauq-e-ma.āsī bhī
bharūñ yak-gosha-e-dāman gar āb-e-haft-dariyā ho

kahīñ najāt kā dariyā na sūkhne lag jaa.e
chalā kare mirī kashtī kā kārobār baras

dekh saaqī ko apne dariyā-dil
zarf-e-mai-kash baḌhā.e baiThe haiñ

zamāna meñ nahīñ ahl-e-hunar kā qadar-dāñ baaqī
nahīñ to saikḌoñ motī haiñ is dariyā ke dāman meñ

duur thā sāhil bahut dariyā bhī tuġhyānī meñ thā
ik shikasta-nāv sā maiñ tez-rau paanī meñ thā

kashtiyāñ ret pe baiThī haiñ umīdeñ bāñdhe
aisā lagtā hai ye sahrā kabhī dariyā hogā