Tags-Dariya

maiñ sahrā huuñ kuchh badlāo lāzmī hai
ab maiñ dariyā ban kar bahnā chāhtā huuñ

ai tirī shaan ki qatroñ meñ hai dariyā jaarī
zarre ḳhurshīd kī tanvīr liye baiThe haiñ

ghaTā.eñ ḳhushk hotī jā rahī haiñ
jo dariyā thā vo sahrā ho rahā hai

milā hai taptā sahrā dekhne ko
chale the ghar se dariyā dekhne ko

charāġh donoñ kināroñ ke bujh ga.e 'sāġhar'
hamārī raah meñ haa.el lahar kā dariyā thā

vahāñ sahrā bhī hai jañgal bhī dariyā bhī chaTāneñ bhī
ajab duniyā basā rakkhī hai vo jis ghar meñ rahtā hai

umr kā sūraj sivā neze pe aayā
garm shiryānoñ meñ bahte ḳhuun kā dariyā bhañvar hone lagā

shahr meñ dariyā-dilī kī lan-tarānī aur hai
par mire panghaT se bahtā hai jo paanī aur hai

us ke badan kā loch thā dariyā kī mauj meñ
sāhil se maiñ bahāv ko taktā hī rah gayā

bādal baras rahe haiñ musalsal magar 'ḳhumār'
dariyā tamām ḳhushk haiñ jharnoñ ko kyā huā

Dūbnā hai to chhalaktī huī āñkheñ DhūñDho
yā kisī Dūbte dariyā ke kināre jaao

Dūbne vaalā phir uupar aa jaatā hai
kabhī kabhī dariyā kī mauj ġhazab hotī hai

zindagī chāheñ to ḳhvāboñ se sivā kuchh na mile
Dūbnā chāheñ to hāsil hameñ dariyā hī na ho

ilm ke dariyā se nikle ġhota-zan gauhar-ba-dast
vaa.e mahrūmī ḳhazaf chain lab sāhil huuñ maiñ

kanār-e-dariyā junūn-e-tūfāñ har ek gauhar kī aab maiñ huuñ
baġhair mere sabhī haiñ paanī ki maujoñ kā iztirāb maiñ huuñ

dekh saaqī ko apne dariyā-dil
zarf-e-mai-kash baḌhā.e baiThe haiñ

sahrā dariyā jañgal shahr
lambā rasta ḳhatm huā

taḳhlīq aur shikast kā dekheñge log fan
dariyā habāb sat.h pe jab tak bānegā

tishna-lab jo lab-e-dariyā pe bhī haiñ rahte hue
vo satā.e hue bigḌī huī taqdīr ke haiñ

tum ne kiyā hai tum ne ishārā bahut ġhalat
dariyā bahut durust kinārā bahut ġhalat