Tags-Dariya

dhuup aisī hai ki dariyā suukh jaa.eñ
ḳhuun ke chhīñToñ se rut badlegī kyā

naav sūraj kī dhuup kā dariyā
tham ga.e kaise aa ke kāġhaz par

log sāhil talāsh karte haiñ
ek dariyā bahā ke kāġhaz par

jo hausla tūfāñ ko ik khel samajhtā thā
ab aap kī yādoñ ke dariyā meñ vo Duubā hai

duur rahtā hai magar jumbish-e-lab bos-o-kanār
Dūbtā rahtā hai dariyā meñ kinārā kyā kyā

lafz kā dariyā utrā dasht-e-ma.ānī phailā
misra-e-ūlā hī meñ misra-e-sānī phailā

dariyā ho to maujoñ meñ khule is kā sarāpā
pāgal hai havā chīḳhtī phirtī hai banoñ meñ

koī is ḳhvāb kī ta.abīr badal de yā-rab
ghar meñ bahtā huā ik ḳhuun kā dariyā dekhā

sunā ye hai ki vo dariyā utar gayā āḳhir
to aao phir usī retī pe ghar banāyā jaa.e

havā meñ jo ye ek namnākī hai
sadā tez raftār dariyā kī hai

zaḳhm dho.e haiñ yahāñ par kis ne
saare dariyā meñ lahū phailā hai

kis ne sahrā meñ mirī āñkhoñ ke
ek dariyā ko ravāñ rakkhā hai

paḌh chuke dariyā qasīda abr kā
kyā zabān-e-ḳhushk se sahrā kahe

dariyā kī vus.atoñ se use nāpte nahīñ
tanhā.ī kitnī gahrī hai ik jaam bhar ke dekh

sirf ḳhvāboñ pe ijāra thā haqīqat pe nahīñ
ham sarāboñ ko samajhte rahe dariyā apnā

zindagī kī aas bhī kyā aas hai
mauj-e-dariyā par diyā jaltā rahā

ik jal-thal thī kal tak ye zamīñ ye dasht bhī kal tak dariyā the
ye shor thā kal ik sannāTā ye shahar bhī kal tak sahrā the

shaam ko zindagī karne vaale rañg-birañge phuul
phuul vo saare rah ga.e pyāre dariyā ke us paar

bas ye soch ke sarshārī hai ab bhī apne liye
bahte haiñ ḳhushbū ke dhāre dariyā ke us paar

mahkī rāteñ dost havā.eñ pichhlī shab kā chāñd
rah ga.e sab ḳhush-ḳhvāb nazāre dariyā ke us paar