Collections

Lab Shayari

Motivational Ghazals

Best Khamoshi Shayari

More Collections

Tags-Dariya

khile hue haiñ phuul sitāre dariyā ke us paar
achchhe log base haiñ saare dariyā ke us paar

khile hue hain phul sitare dariya ke us par

gūñjtī hai aur lauT aatī hai apnī hī āvāz
āḳhir kab tak koī pukāre dariyā ke us paar

khile hue hain phul sitare dariya ke us par

yuuñ lagtā hai jaise ab bhī rasta takte haiñ
ga.e zamāne ret kināre dariyā ke us paar

khile hue hain phul sitare dariya ke us par

shaam ko zindagī karne vaale rañg-birañge phuul
phuul vo saare rah ga.e pyāre dariyā ke us paar

khile hue hain phul sitare dariya ke us par

mat dekh tamannā kī taraf aañkh uThā kar
andhoñ kī tarah nuur ke dariyā se guzar jā

yun KHak ki manind na rahon pe bikhar ja

nisbateñ saarī adhūrī haiñ to rishta kaisā
ban ke vo mauj uThe ḳhud ko maiñ dariyā likkhūñ

shahr-ashob likhun shahr-e-tamanna likkhun

tū dekhne gayā lab-e-dariyā jo chāñdnī
istāda tujh ko dekh ke āb-e-ravāñ huā

insaf ki taraazu mein taula ayan hua

bahā de aaj kuchh aañsū ki phir ġhanīmat haiñ
chaḌhā hai aaj jo dariyā vo kal utar hī na jaa.e

laraz laraz ke dil-e-na-tawan Thahar hi na jae

kaun Dūbegā kise paar utarnā hai 'zafar'
faisla vaqt ke dariyā meñ utar kar hogā

aur kya mere liye arsa-e-mahshar hoga

sāhil pe sarv-e-nāz ko de zahmat-e-ḳhirām
bal khā rahā hai ḳhaak pe dariyā tire liye

aa fasl-e-gul hai gharq-e-tamanna tere liye

kāġhaz kī kashtī meñ dariyā paar kiyā
dekho ham ko kyā kyā kartab aate haiñ

aise hijr ke mausam kab kab aate hain

hamesha kī tarah bāñheñ mirī patvār karne kā
kiyā hai faisla naav ne dariyā paar karne kā

hamesha ki tarah banhen meri patwar karne ka

jo bhī sāhil kā hai tamāshā.ī
paar dariyā vo kar nahīñ saktā

buz-dili to wo kar nahin sakta

āġhāz-e-mohabbat se anjām-e-mohabbat tak
''ik aag kā dariyā hai aur Duub ke jaanā hai''

aaghaz-e-mohabbat se anjam-e-mohabbat tak

sochte sochte dil Dūbne lagtā hai mirā
zehan kī tah meñ 'muzaffar' koī dariyā to nahīñ

aadmi chaunk chuka hai magar uTTha to nahin

dil kā ātish-kada vīrān paḌā thā kab se
aañkh se bahne lagā aag kā dariyā kaisā

jada-e-zist pe barpa hai tamasha kaisa

jis meñ ik ashk na ho aañkh kahāñ hai vo aañkh
buuñd paanī kī na ho jis meñ vo dariyā kaisā

jada-e-zist pe barpa hai tamasha kaisa

khā ga.iiñ dariyā kī maujeñ ḳhvāb-āvar goliyāñ
bādbānī ke liye pāgal havā baaqī rahe

aate jate mausamon ka silsila baqi rahe

kamānoñ meñ khiñche haiñ tiir talvāreñ haiñ chamkī
zarā Thahro kahāñ jaate ho dariyā dekhne ko

kamanon mein khinche hain tir talwaren hain chamki

lahū āñkhoñ meñ jamtā jā rahā hai
ye dariyā ḳhushk paḌtā jā rahā hai

lahu aankhon mein jamta ja raha hai