Tags-Dariya

maiñ ne us ke dariyā ko apne chullū meñ bharā
aur farsh par thuuk diyā

maiñ apnī zaat meñ huuñ bahr mujh ko kyā parvā
amīr-e-shahr jo dariyā-dilī pe maa.il hai

lahū aur aag kā dariyā hai mere raste meñ
ki merī zaat hī raste meñ mere haa.il hai

sahrā meñ har taraf hai vahī shor-e-al-atash
dariyā kā ruḳh badal na sake log āḳhirash

vaa.e ye ġhaflat ki dariyā biich qatre kī tarah
aap hī meñ aap ko DhūñDūñ huuñ aur paatā nahīñ

yuuñ havā lahroñ pe kuchh tahrīr kartī hai magar
jhuum kar bahtā hai dariyā kā yahī andāz hai

dam-e-girya kis kā tasavvur hai dil meñ
ki ashk ashk dariyā huā chāhtā hai

ho rau meñ tirī chashm-e-balā-ḳhez kā dariyā
is nuur ke sailāb meñ ik baar baheñ ham

do dariyā bhī jab aapas meñ milte haiñ
donoñ apnī apnī pyaas bujhāte haiñ

barā.e-sair mujh sā riñd mai-ḳhāne meñ gar aa.e
gire sāġhar luñDhe shīsha hañse saaqī bahe dariyā

sāhil sāhil daar saje haiñ mauj mauj zanjīreñ haiñ
Dūbne vaale dariyā dariyā jashn manāte rahte haiñ

kanār-e-dariyā hai ek maddham ġhubār kis dasht kā paḌāv
darūn-e-sahrā ye āb-e-haivāñ kā naqsh kis nahr ke liye hai

jo ujḌā shahar ḳhvāboñ kā to apnī bhī uḌī hai gard
kisī sūkhe hue dariyā kī sūrat muddatoñ se hai

unhīñ lamhoñ kī aahaT se milīñ bedāriyāñ mujh ko
mire dariyā kī jaulānī samay ke pāniyoñ se hai

ye kaalī raat kā dariyā bahā kar le gayā sūraj
hirāsāñ sub.h ke sāhil pe dil tārīkiyoñ se hai

tishna ruuh kī pyaas bujhāne pahuñche the
dariyā meñ bhī paanī paayā kahīñ nahīñ

jo tire shahr le ke aatā thā
ruḳh vo dariyā badal rahā hai ab

maiñ dariyā ke vahshī-pan se vāqif huuñ
mere ghar ke saath kinārā lagtā hai

maiñ huuñ dariyā mujhe ḳhidmat meñ lage rahnā hai
maiñ agar suukh bhī jā.ūñgā to baalū dūñgā

go dekh chukā huuñ pahle bhī nazzāra dariyā-noshī kā
ek aur salā-e-ām ki saaqī raat guzarne vaalī hai