Tags-Dariya

jānte sab the ki nafrat kī ye kaalī āñdhī
dasht to dasht haiñ dariyā bhī nahīñ chhoḌtī hai

ham ko do ghoñT kī ḳhairāt hī de do varna
pyaas pāgal ho to dariyā bhī nahīñ chhoḌtī hai

hañsnā ronā paanā khonā marnā jiinā paanī par
paḌhiye to kyā kyā likkhā hai dariyā kī peshānī par

zamāna hai ki guzrā jā rahā hai
ye dariyā hai ki bahtā jā rahā hai

use maiñ duur hī se dekhtā rahā 'sānī'
jo aaj paanī meñ utrā huuñ to khulā dariyā

kis kī pyaas bujhā.egā
sūkhe dariyā kā ye nal

dariyā ne bhī tarsāyā hai pyāsoñ ko
dariyā ko bhī pyāsā kar ke dekhā jaa.e

tumhārī yaad ke dariyā tamām suukh chale
jahāñ-tahāñ mujhe sahrā dikhā.ī detā hai

fan dekho bas mallāhoñ kā
dariyā ke sailāb na dekho

sunā ye thā bahut āsūda haiñ sāhil ke bāshinde
magar TuuTī huī kashtī meñ dariyā paar honā thā

muntazir āñkhoñ meñ jamtā ḳhuuñ kā dariyā dekhte
tum nahīñ aate to saarī umr rasta dekhte

kahīñ na thā vo dariyā jis kā sāhil thā maiñ
aañkh khulī to ik sahrā ke muqābil thā maiñ

khule ahvāl-e-dil jab nāsehoñ par
tah-e-dariyā agar sāhil se badle

apne chehre pe terī āñkhoñ kā pahra dekhūñ
pyaas dariyā kā samundar meñ samānā dekhūñ

vo dekh ki maujeñ raqs-kunāñ haiñ sat.h-e-zamīñ par gañgā kī
nau-vārid āriya hairat meñ haiñ dekh ke shaan is dariyā kī

ishq ik qatre meñ dariyā ko samo detā hai
aql ko dīvāna samajhtī hai to dīvāna sahī

ḳhudā kare ki ye miTTī bikhar bhī jaa.e ab
chaḌhā huā hai jo dariyā utar bhī jaa.e ab

suhāne mausamoñ meñ us kī tuġhyānī qayāmat thī
jo dariyā garmiyoñ kī dhuup meñ pāyāb rahtā thā

ubharnā Dūbnā ab kashtiyoñ kā ham kahāñ dekheñ
vo dariyā kyā huā jis meñ sadā girdāb rahtā thā

is āvāz ko sunñe vaale kaan mubārak kahlāte haiñ
un āñkhoñ ko dekhne vaalo ḳhvāb meñ dariyā aatā hai