English
Favourite
Favourite
UrduShayarUrduShayar
Expand menu
Sign inAccount

Tags-Dariya

dil kī gahrā.ī meñ kyā hai mujh se ai 'saulat' na pūchh
jitne dariyā aañkh se nikle samundar kar diye
Ghazal
 chand diwaren kisi ko din kisi ko dar diye
kyoñ dariyā bhar misra-e-ūlā us kī mayyat par thā royā
jis shā.ir kā dam niklā thā misra-e-sānī karte karte
Ghazal
 sarson ke kheton mein apne kaghaz dhani karte karte
dard in āñkhoñ se dariyā kī tarah niklā hai
'hādia' ham to samajhte the sarābī jaisā
Ghazal
 kisi bachpan mein banai hui kashti jaisa
hai yaas meñ 'asad' ko saaqī se bhī farāġhat
dariyā se ḳhushk guzre mastoñ kī tishna-kāmī
Ghazal
 hasil se hath dho baiTh ai aarzu-KHirami
tumhārā naqsh in āñkhoñ se dhultā bhī to kaise
ki dariyā meñ vo pahlī sī ravānī bhī kahāñ thī
Sher
 tumhaara naqsh in aankhon se dhulta bhi to kaise
dariyā kī ravānī vahī dahshat bhī vahī hai
aur Dūbte lamhāt kī sūrat bhī vahī hai
Ghazal
 dariya ki rawani wahi dahshat bhi wahi hai
bachā kiyā use toḌā jo sar se dariyā ke
habāb le ke ye ḳhālī piyāla kyā kartā
Ghazal
 jigar ko dagh main manind-e-lala kya karta
vo sañg-dil hai magar use mom kar rahā huuñ
inhīñ chaTānoñ se mujh ko dariyā nikālnā hai
Ghazal
 jala ke aankhen siyah shab ko khangalna hai
ai tishna-labī tū ne kahāñ lā ke Duboyā
is baar to dariyā bhī nahīñ thā mire aage
Ghazal
 ye dekh mere naqsh-e-kaf-e-pa mere aage
jhaag uḌāte dariyā ke hañgāme par
naqsh huā dil par afsurda sannāTā
Ghazal
 mez qalam qirtas daricha sannaTa
na mauj-e-tund hai kuchh aisī jis se kheleñ ham
chaḌhe hue haiñ jo dariyā kaho utar jaa.eñ
Ghazal
 gurez-pa hai naya rasta kidhar jaen
jhulastī ret pe ik buuñd hī uchhāl kabhī
ye bārishoñ meñ to dariyā ubalte rahte haiñ
Ghazal
 hamin to hain jo tere sath chalte rahte hain
sulagtī aag ke dariyā kiye tai Duub kar maiñ ne
taḌaptī zindagī se bāzī-e-shamshīr dekhī hai
Ghazal
 sar-e-turbat kahin ek husn ki taswir dekhi hai
ab bastiyāñ haiñ kis ke ta.āqub meñ rāt-din
dariyā to aap apnī ravānī meñ kho gayā
Ghazal
 bachpan ka daur ahd-e-jawani mein kho gaya
chaḌhā huā koī dariyā ho yā ki nashsha ho
'yashab' kabhī na kabhī to utar hī jaatā hai
Ghazal
 kamal-e-shauq-e-safar bhi udhar hi jata hai
udaas chāñd ne dariyā ke dar pe dastak dī
ḳhush-āmdīd ko baḌhne lagā bhañvar koī
Ghazal
 jale charagh bhala kaise ta-sahar koi
aks paanī meñ mohabbat ke utāre hote
ham jo baiThe hue dariyā ke kināre hote
Ghazal
 hum bahr-e-haal dil o jaan se tumhaare hote
mat phirī thī ki harīfāna chale duniyā se
sochte ḳhaak ki mavvāj hai dariyā kaisā
Ghazal
 shahr ka shahr hua jaan ka pyasa kaisa
sūkhe daraḳht kī tarah dariyā meñ gir paḌeñ
marne ke vāste koī sailāb hī na ho
Ghazal
 aisa ho zindagi mein koi KHwab hi na ho
gar ye aañsū haiñ to laakh āveñge dariyā josh meñ
gar ye āñkheñ haiñ to dikhlāveñgī tūfāñ saikaḌoñ
Sher
 gar ye aansu hain to lakh aawenge dariya josh mein
Top Urdushayar.com