Tags-Dariya

jab aisā ho to har chashme se dhāre phuuT bahte haiñ
vo sañg o gil ke pushte hoñ ki dariyā ke kināre

na jaane kaun se mausam meñ jī rahā thā maiñ
ki merī pyaas thī merī na merā dariyā thā

parvarda-e-tūfāñ hai mire dil kā safīna
sāhil kī tarah ye lab-e-dariyā na rahegā

dariyā pe jā ke mauj-e-ravāñ par nazar na kar
añjhuvāñ kī mere aa ke ravānī kuuñ dekh tuuñ

phir aaj bhuuk hamārā shikār kar legī
ki raat ho ga.ī dariyā meñ jaal Daale hue

Thahar Thahar ke vo dariyā bulā rahā thā 'qais'
ham apnī āñkhoñ meñ bhar bhar ke pyaas baiThe rahe

ye log TuuTī huī kashtiyoñ meñ sote haiñ
mire makān se dariyā dikhā.ī detā hai

āñkhoñ meñ merī rañg ke dariyā utaar kar
chehre ko us ne pher liyā kis adā ke saath

jo sub.h ne bañsarī bajā.e havā.eñ karvaT badal rahī haiñ
vasī.a dariyā kī halkī maujeñ taḌap rahī haiñ uchhal rahī haiñ

vo maujeñ mārtā dariyā yā reg-e-sahrā hai
ajiib Dhañg se letā hai imtihāñ sūraj

savāl saḳht thā dariyā ke paar utar jaanā
vo mauj mauj magar ḳhud mirā bikhar jaanā

yaqīn-e-sub.h-e-chaman hai kitnā shu.ūr-e-abr-e-bahār kyā hai
savāl karte haiñ dasht-o-dariyā ki qāfile kā vaqār kyā hai

sailāb haiñ chehroñ ke to āvāz ke dariyā
ye shahr-e-tamannā to nahīñ dasht-e-sadā hai

vajūd us kā zamāna māntā hai
ki dariyā jab talak bahtā huā hai

us tishna-lab ke niind na TuuTe duā karo
jis tishna-lab ko ḳhvāb meñ dariyā dikhā.ī de

dariyā meñ yuuñ to hote haiñ qatre hī qatre sab
qatra vahī hai jis meñ ki dariyā dikhā.ī de

ab jo lahar hai pal bhar baad nahīñ hogī yaanī
ik dariyā meñ dūsrī baar utrā nahīñ jā saktā

dariyā ġhurūb hone chalā thā ki aaj raat
ġharqāb kashtiyoñ ne uchhālī hai raushnī

bah chalā chashm se yakbār jo ik dariyā sā
baiThe baiThe mujhe kyā jaane ye lahr aa.ī kyā