Tags-Dariya

sahrā to paar kar liyā dariyā bhī paar kar
kis ne kahā thā tujh se ki ishq iḳhtiyār kar

kachchī miTTī ke 'farhat-ehsās' zarā paanī meñ sambhal kar
dariyā meñ tum ḳhuub nahāte ho jab bhī mastī aatī hai

ajab nazārā thā bastī kā us kināre par
sabhī bichhaḌ ga.e dariyā se paar utarte hue

hañsnā ronā paanā khonā marnā jiinā paanī par
paḌhiye to kyā kyā likkhā hai dariyā kī peshānī par

qatra dariyā hai to kyuuñ shorish-e-dariyā-talabī
har tamannā ko mohabbat kā ziyāñ kahtā huuñ

maiñ tere jism ke dariyā ko pī chukā huuñ bahut
satā rahī hai phir ab kyuuñ badan kī pyaas mujhe

zamīñ ho ḳhushk to fasleñ nahīñ ugā kartīñ
is ek baat ko dariyā ke lab samajhte haiñ

tujh se dariyā to ga.e chal ke samundar kī taraf
mujh se qatre kī taraf uḌ ke samundar aa.e

dariyā ko samajhne kī tamannā hai to phir kyuuñ
dariyā ke kināre se kinārā nahīñ karte

bas vo nekī savāb bantī hai
dosh-e-dariyā jise bahā Daalā

tujhe chal zarā sā maiñ mīThā banā duuñ
samundar se dariyā kā paanī kahe hai

ravāñ thī koī talab sī lahū ke dariyā meñ
ki mauj mauj bhañvar umr kā safīna thā

mere pīchhe qais kī āñkheñ paḌ ga.ī haiñ
dariyā dariyā pyaas bujhātā rahtā huuñ

sāhil pe kuchh der akele hotā huuñ
phir dariyā se haath milātā rahtā huuñ

mirī āñkhoñ se ashkoñ ke bajā.e ret girtī hai
magar andar kahīñ bhī ret kā dariyā nahīñ miltā

kohsār-o-dasht-o-dariyā gulzār-o-bazm-e-ishrat
haiñ ḳhaar saañ nazar meñ be-rū-e-yār pān.cho

ta.alluq TuuT jaane se mohabbat mar nahīñ jaatī
ye vo dariyā hai jis meñ bas ravānī hī ravānī hai

kyūñkar ke rahe sharam mirī shahr meñ jab aah
nāmūs kahāñ utreñ jo dariyā pe izāreñ

dil meñ jo kabhū josh-e-ġham uThtā hai to tā-der
āñkhoñ se chalī jaatī haiñ dariyā kī sī dhāreñ

ek kashtī kī hai talab 'rāhī'
ishq dariyā ke paar hai mujh ko