Tags-Dariya

ḳhaak dariyā ke kināroñ ko milā.ūñgā maiñ
ḳhud ko hī aaj talak ḳhud se milāyā na gayā

uḌ chalī hai har taraf dāman meñ bhar lene kī baat
qatra qatra us ke dariyā kā guhar hone ko hai

zamānoñ se faqat lahreñ gumānoñ kī gino ho
kisī din tum ye dariyā paar kar jaao to aao

bahte dariyā kā badan Dhāñk ke ḳhushk āñkhoñ se
mom ke qalb ko patthar ki qabā detā huuñ

qatra Thiik hai dariyā hone meñ nuqsān bahut hai
dekh to kaise Duub rahā hai merā lashkar mujh meñ

udaas āñkhoñ se dariyā kā tazkira kar ke
zamāna ham ko hamārī misāl detā hai

dariyā meñ rah ke koī na bhīge to kis tarah
ham be-niyāz terī tarah ai ḳhudā na the

na ab vo yādoñ kā chaḌhtā dariyā na fursatoñ kī udaas barkhā
yūñhī zarā sī kasak hai dil meñ jo zaḳhm gahrā thā bhar gayā vo

mujh pe sab log gunah Daal diyā karte haiñ
kis liye kis ke liye dariyā-dilī letā huuñ

maiñ jānūñ jab ki bujhā de tū tishnagī dil kī
vagarna aaj se dariyā dilī kā naam na le

kahūñ kyā ki dasht-e-hayāt meñ rahā silsila vo sarāb kā
kabhī hausla hī na kar sakī mirī aañkh dariyā ke ḳhvāb kā

Duub jaatā hai jahāñ Dūbnā hotā hai jise
varna pairāk ko dariyā vahī sāhil bhī vahī

koī kashtī meñ tanhā jā rahā hai
kisī ke saath dariyā jā rahā hai

ret kī lahroñ se dariyā kī ravānī māñge
maiñ vo pyāsā huuñ jo sahrāoñ se paanī māñge

ham ne pahnā.e haiñ ḳhvāhish ko ragoñ ke pairahan
us ne māñgī buuñd ham ne ḳhuun dariyā kar diyā

na shor chāhiye dariyā kī tund maujoñ kā
mire lahū ko samundar kī ḳhāmushī denā

zamāne ho ga.e dariyā to kah gayā thā mujhe
bas ek mauj ko kar ke ravāna aatā hai

maiñ to jalte hue sahrāoñ kā ik patthar thā
tum to dariyā the mirī pyaas bujhāte jaate

pās-e-adab meñ josh-e-tamannā liye hue
maiñ bhī huuñ ik hubāb meñ dariyā liye hue