Tags-Aarzoo

mirī namāz mirī bandagī mirā īmāñ
tirā ḳhayāl tirī yaad aarzū terī

zindagī hai ki kisī tarah guzartī bhī nahīñ
aarzū hai ki mirī maut se Dartī bhī nahīñ

shāyad ki multafit ho koī shahsavār-e-nāz
kis aarzū se ham sar-e-manzil khaḌe rahe

kahāñ tak dil meñ shahr-e-ārzū ābād rakhte ham
jab apne sāmne hadd-e-nazar tak ġham kā sahrā thā

na navāzishoñ kī hai aarzū na tirī jafā kā malāl hai
tū nazar se apnī girā na de yahī ek dil meñ ḳhayāl hai

dil ko nigāh-e-yār ke nashtar se chheḌ kar
bedār aarzū ko kiye jā rahā huuñ maiñ

us bevafā kī bazm se chashm-e-ḳhayāl meñ
ik ḳhvāb aarzū kā liye jā rahā huuñ maiñ

aarzū hasrat aur ummīd shikāyat aañsū
ik tirā zikr thā aur biich meñ kyā kyā niklā

kaañ talak ḳhātir rakhoge aarzū meñ tañg kar
ġhuncha-dil bād-e-sabā suuñ ishq ke ḳhandāñ karo

aur phir dasht-e-tamannā meñ bhaTakte hue log
ārzū-mand Thikāne kī taraf lauT aa.e

ḳhud-kushī ke saiñkaḌoñ andāz haiñ
aarzū hī kā na dāman thaam luuñ

aarzū thī ek din tujh se milūñ
mil gayā to sochtā huuñ kyā karūñ

kisī ke haq meñ duā kar ke dekhiye sāhab
farishta aap kī sohbat kī aarzū karegā

añdhere dil ne kī thī aarzū us ke ujāloñ kī
mirī āñkheñ hī chhīne le rahā hai raushnī hai ye

koī tamannā nahīñ hai mujh ko
sukūn-e-dil kī hī aarzū hai

phir un se arz-e-hāl kī kuchh aarzū kareñ
pahle dil-o-jigar ko jab apne lahū kareñ

jo harf dil par raqam kiye the vo le uḌeñ yaas kī havā.eñ
ab is bayābān-e-ārzū meñ hamārī bechārgī na.ī hai

tumheñ zebā nahīñ hargiz sile kī aarzū rakhnā
tumhārā kaam hai 'ātish' qalam kī aabrū rakhnā

chhīnā hai tū ne shaam ke ruḳh se salonā-pan
ab shahr-e-ārzū se ujālā bhī chhīn le

atā kar dī tumhārī aarzū ne
vo ik duniyā jo duniyā se judā hai