Tags-Aarzoo

zarā phir dil pe nazreñ Daal diije
charāġh-e-ārzū ḳhāmosh sā hai

kho diyā hai charāġh bhī 'afzal'
chāñd tāroñ kī aarzū kar ke

avval to muflisoñ kī koī aarzū nahīñ
paidā kabhī huī bhī to ghuT ghuT ke mar ga.ī

vo din kahāñ ki thī mujhe jiine kī aarzū
phirtā huuñ ab to dil kā janāzā liye hue

roz-e-azal se ishq hai nākām-e-ārzū
dil hai magar hujūm-e-tamannā liye hue

duniyā-e-ārzū se kināra to kar ke dekh
duniyā khaḌī hai daulat-e-duniyā liye hue

ḳhār-o-ḳhas bikhre paḌe haiñ aarzū ke shahr meñ
koī din kā zikr hai raqsāñ bahāreñ thiiñ vahāñ

jise chain merā aziiz ho mujhe umr kī vo duā na de
hai qazā kī ab mujhe aarzū mire rab mujhe tū shifā na de

mujhe mojazoñ pe yaqīñ nahīñ magar aarzū hai ki jab qazā
mujhe bazm-e-dahr se le chale

muddat se aarzū hai ḳhudā vo ghaḌī kare
ham tum piyeñ jo mil ke kahīñ ek jā sharāb

use kināre kā kañkar samajh ke paañv na rakh
ye aarzū mere dil ke sadaf meñ paltī rahī

'riyāz' maut ko kyuuñ maut aa.ī jaatī hai
hameñ to maut kī bhī aarzū nahīñ baaqī

tumhāre tiir kī ab aarzū nahīñ baaqī
huā hai piip kaleja lahū nahīñ baaqī

hamāre dil meñ koī aarzū nahīñ baaqī
hamāre phuul meñ ab rañg-o-bū nahīñ baaqī

anjuman-sāz-e-aish tū hai yahāñ
aur phir kis kī aarzū hai yahāñ

kyā jaane ahl-e-bazm ne kyā kyā samajh liyā
iḳhfā-e-ārzū thī vo chup guftugū na thī

kyā sehr thā ki hañste hue jaan de ga.e
vo bhī ki jin ko tāb-e-ġham-e-ārzū na thī

aarzū hai maiñ vo gul ho jā.ūñ ai rashk-e-chaman
baaġh meñ din bhar rahūñ shab ko tire hāroñ meñ huuñ

hogī māshūqoñ ko ḳhvāhish mujh nahīf-o-zār kī
gul kareñge aarzū merī maiñ un ḳhāroñ meñ huuñ

ḳhumār-e-ārzū kī intihā par
maiñ qalam kartā huuñ apnī uñgliyoñ ko