Tags-Aadmi

rumūz-e-be-ḳhudī samjhe na asrār-e-ḳhudī samjhe
baḌī shai hai agar apnī haqīqat aadmī samjhe

kho ke mujh ko haath se sunte ho pachhtāoge tum
maano kahnā bhī ki mujh sā aadmī miltā nahīñ

bujhā lī pyaas jo us ne rahā nadī kā nahīñ
ġharaz kā apnī sagā hai vo aadmī kā nahīñ

kitne zehnoñ ko kar gayā gumrāh
ik baḌe aadmī kā chhoTā-pan

vo aadmī kahāñ hai vo insān hai kahāñ
jo dost kā ho dost adū kā adū na ho

tumhāre andar ke aadmī se nahīñ haiñ vāqif
ye log baiThe hue haiñ kāġhaz kī naav meñ sab

dushmanī rasm-e-jahāñ hai dostī harf-e-ġhalat
aadmī tanhā khaḌā hai zālimoñ ke sāmne

the jitne vahm-o-gumān vo sab na.ī haqīqat meñ Dhal chuke the
ik aadmī par kalām-e-parvardigār utrā to maiñ ne dekhā

sabhī māshā-allāh sub.hān-allāh
ho lā-haul mujh par maiñ kyā aadmī huuñ

baḌe aadmī to baḌe chain se haiñ
musībat mirī maiñ kharā aadmī huuñ

bharam kā bharam laaj kī laaj rakh lo
thā sab ko yahī vasvasa aadmī huuñ

nirālā ajab nak-chaḌhā aadmī huuñ
jo tuk kī kaho be-tukā aadmī huuñ

TaTolo parakh lo chalo aazmā lo
ḳhudā kī qasam bā-ḳhudā aadmī huuñ

agar sach hai sachchā.ī hotī hai uryāñ
maiñ uryāñ barahna khulā aadmī huuñ

ye bachnā bidaknā chhaTaknā mujhī se
mirī jaan maiñ to tirā aadmī huuñ

isī liye to mirī us se dostī kam hai
vo ḳhud-parast ziyāda hai aadmī kam hai

vo ḳhush kisī ke saath haiñ nā-ḳhush kisī ke saath
har aadmī kī baat hai har aadmī ke saath

vo aadmī bhī jise jān-e-anjuman kahiye
chalā jab uTh ke to saare safar meñ tanhā thā

uThā ye shor vahīñ se sadāoñ kā kyūñ-kar
vo aadmī to sunā apne ghar meñ tanhā thā

har aadmī ke qad se us kī qabā baḌī hai
sūraj pahan ke nikle dhuñdle charāġh yaaro