Tags-Aadmi

yahāñ ḳhatre meñ hai ḳhud aadmī kī zaat apnī
ji.eñ kis ke sahāre titliyāñ jugnū parinde

vo kār-gah na rahī aur na vo sifāl rahī
ḳhudā ke daur meñ kyā aadmī nikalte the

miltā hai aadmī hī mujhe har maqām par
aur maiñ huuñ aadmī kī talab se bharā huā

zindagī ḳhud ko na is ruup meñ pahchān sakī
aadmī lipTā hai ḳhvāboñ ke kafan meñ aisā

hasīñ reshmīñ sāzisheñ
aadmī ke liye

har chashm sañg-e-kizb-o-adāvat se surḳh hai
ab aadmī ko zindagī karnā kahāñ se aa.e

ḳhudī ke zo.am meñ aisā vo mubtalā huā hai
jo aadmī bhī nahīñ thā vo ab ḳhudā huā hai

aadmī ishq meñ bhī ḳhud se nahīñ ghaT saktā
aadmī sāya-e-dīvār nahīñ hotā yār!!

kahā jo tark-e-mohabbat ko shaiḳh ne khullā
farishta to nahīñ lekin ye aadmī bhī nahīñ

'zafar' aadmī us ko na jāniyegā vo ho kaisā hī sāhab-e-fahm-o-zakā
jise aish meñ yād-e-ḳhudā na rahī jise taish meñ ḳhauf-e-ḳhudā na rahā

āsmāñ apne irādoñ meñ magan hai lekin
aadmī apne ḳhayālāt liye phirtā hai

ham aadmī haiñ bahaknā hamārī fitrat hai
bahak rahā huuñ agar maiñ koī sambhāle mujhe

paanī kā ruḳh badalne ko maare haath paañv
ik aadmī jo ḳhud ko batātā rahā chaTān

shaiḳh-jī maanā maiñ is ko tum farishta ho to ho
lek hazrat-ādmī honā nihāyat duur hai

vo aadmī jo mirā dost thā zamāne tak
pata nahīñ ki yakāyak badal gayā kaise

bajā hai apnī aqīdat magar savāl ye hai
vo aadmī ho to kyūñkar ḳhudā nazar aa.e

hazār chehre haiñ maujūd aadmī ġhā.eb
ye kis ḳharābe meñ duniyā ne lā ke chhoḌ diyā

ham aadmī kī tarah jī rahe haiñ sadiyoñ se
chalo 'salīm' ab insān ho ke dekhte haiñ