Tags-Aah

aah ne to ḳhema-e-gardūñ ko phūñkā dekheñ ab
rañg laate haiñ hamāre dīda-e-ḳhūñ-bār kyā

nāla-o-āh-o-fuġhāñ se baḌh ga.ī
varna ulfat ik zarā sī baat thī

isī rafīq se ġhaflat hai aah ai 'afsar'
tumhāre kaam se jo ek dam na ġhāfil ho

tumhārī aah kā ye kaun sā andāz hai vāzeh nahīñ hotā
muamma ye nahīñ khultā ki tum dariyā ko sahrā kaise karte ho

kyā karūñ aah maiñ 'asar' kā ilaaj
is ghaḌī us kā jī hī jaatā hai

nāla-o-āh ko mire sun kar
kahte ho yaañ kise sunātā hai

hamārī aah kā kyā dekhnā jo dekhoge
vahī to baat hai jhoñke havā ke dekh na lo

bol mere sur ko chhūte chhūte rah jaate haiñ 'sāz'
aah ye kaisī kasar hai dard kī tahrīk meñ

na kyūñki aah se ḳhātir nishāñ ho ab merī
ki tiir ye nahīñ kartā kabhī ḳhatā dil kā

bajā huuñ sar-ba-garebāñ ki us ke dāman tak
na pahuñchā aah kabhī dast-e-nā-rasā dil kā

shauq-e-tāza ho ki ho hasrat-e-bālīda koī
kuchh na kuchh silsila-e-āh-o-fuġhāñ rakhtā huuñ

āh-e-shab nāla-e-sahar le kar
nikle ham tosha-e-safar le kar

be-mehrī-e-vafā ne pūchho na kyā diyā hai
āh-e-vidā-e-shab ne siina jalā diyā hai

dīda-e-namnāk se dariyā bahā
āh-e-sho.ala-bār se mahshar tarāsh

shab-e-firāq sahī us kī aañkh to lag jaa.e
vo aah kījiye kaise ki jo ravā bhī nahīñ

nikaltā hai dhuāñ jo aah ke saath
ye ai dil jal rahā kyā jaane kyā hai

ulfat ko 'asad' kitnā āsān samajhtā thā
ab nāla-e-shab kyuuñ hai āh-e-saharī kyuuñ hai

tilism ḳhatm chalo āh-e-be-asar kā huā
vo dekho jism barhana har ik shajar kā huā

jhagḌe meñ ham mabādī ke yaañ tak phañse ki aah
maqsūd thā jo apne ta.iiñ kaam rah gayā

ye sab hai nai-rañg-e-āb-o-dāna kahāñ huuñ maiñ aah kyā batā.ūñ
yahī haiñ bas mere do Thikāne qafas nahīñ hai to āshiyāñ hai