Tags-Aah

rone ko bahut ro.e bahut āh-o-fuġhāñ kī
kaTtī nahīñ zanjīr magar sūd-o-ziyāñ kī

karūñ kyā āh-e-sozāñ hijr kī shab
farishtoñ ke jalā detī hai par aag

ye girya aur phir āh-e-sharar-bār
taraqqī par idhar paanī udhar aag

aah hamrāz kaun hai apnā
baḳht-e-nā-sāz kaun hai apnā

kisī ne toḌ diye barbat-e-hayāt ke taar
ab aur kyā ho agar āh-e-jāñ-gudāz na ho

har sub.h ko aah sar se dil-e-shādāb jarāhat rahtā hai
gar yuuñ hī rahegī bād-e-sahar ye phuul nahīñ murjhāne kā

na suno mere naale haiñ dard-bhare dār-o-asare āh-e-sahare
tumheñ kyā jo koī martā hai mire ai dushman-e-jāñ be-dād-gare

tirī āñkhoñ ke aage ro ke āh-e-sard bhartā huuñ
ki nit hai zauq mastoñ ko havā-e-barshagālī kā

mirī hasratoñ kā na ḳhuun kar nahīñ yuuñ na rok mirī zabāñ
mirī sard aah pe shak na kar ye to merā husn-e-kalām hai

us sham.a-rū kā mujh se jo karte haiñ sard dil
ai āh-e-soz-nāk jalā de unhoñ ke ta.iiñ

phir is ke baad parinde zamīñ pe girne lage
kisī kī aah sar-e-āsmān baiTh ga.ī

zindagī-bhar aarzū kā ḳhuun hī hotā rahā
lab pe lekin ek din bhī aah tak aa.ī na thī

girah sāñsoñ meñ Daalī hai 'havas' ifrāt-e-girya ne
na āh-e-nā-tavāñ aane ko lab tak nardbāñ DhūñDhe

maiñ huuñ vo tufta-dil kī huā āftāb par
merā gumāñ ki aah kā merī sharar na ho

tujh bevafā kī aah koī chaah kyā kare
dil tujh ko de ke tū hī batā aah kyā kare

is māh-e-kūcha-gard ke ta.iiñ DhūñDhtā huā
har shab galī galī na phire aah kyā kare

zaarī fuġhāñ o naala sabhī be-asar haiñ aah
is sañg-dil ke dil meñ koī raah kyā kare

panāh maañg rahī hai harī-bharī duniyā
na pūchh āh-dil-e-ḳhā-numāñ-ḳharāb kī aañch

ye dostī hai ki hai saath aag paanī kā
jo niklī aah to saath ashk bhī nikal ke chale

kisī ko dekhte kyuuñ aah rote
jo bas chaltā to ham paidā na hote