Tags-Aah

ḳhudā kī shaan ye koThoñ ke baiThne vaale
hamārī aah ko ab nā-rasā samajhte haiñ

aah ai yaar kyā karūñ tujh bin
nāla-e-zār kyā karūñ tujh bin

tirī nazar se sīkhā hai āh-e-dil ne
jigar meñ shigāf Daal ke raah karnā

nazar meñ nazar gaḌā.e hai yuuñ vo zālim
ki 'ārzū' ab kaThin hai ik aah karnā

ai 'hafīz' aah aah par āḳhir
kyā kaheñ dost vaah vā ke sivā

roz sunte haiñ ham ḳhizāñ meñ aah
bulbuloñ se bahār kī fariyād

aah suntā hai kab vo rashk-e-bahār
ham ne go ab hazār kī fariyād

vo bigḌe sun ke magar sun to lī hamārī aah
ye be-asar hī nahīñ balki bā-asar bhī hai

nāhaq 'sirāj' āh-e-hasrat kī ātish señ har dam meñ sau baar jumbāñ sabab kiyā
yakbār sho.ale pe girne kī tarhoñ kuuñ ma.alūm karne patañgoñ meñ rahiye

ik āh-e-zer-e-lab ke gunahgār ho ga.e
ab ham bhī dāḳhil-e-saf-e-aġhyār ho ga.e

ye jo āh-o-nāla-o-dard haiñ kisī bevafā kī nishāniyāñ
yahī mere din ke rafīq haiñ yahī merī raat kī rāniyāñ

dard-o-ġham rañj-o-alam āh-o-fuġhāñ
sarguzasht-e-ishq kī haiñ surḳhiyāñ

garm aaheñ kar chukā ab khīñchtā huuñ sard aah
lījiye ThanDī havā kā ek jhoñkā bhī sahī

us ke kūche meñ hashr the mujh tak
āh-o-nāla kare na ab koī

zindagī un kī chaah meñ guzrī
mustaqil dard-o-āh meñ guzrī

na ḳhauf-e-āh butoñ ko na Dar hai nāloñ kā
baḌā kaleja hai in dil dukhāne vāloñ kā

'matīn' qadr huī aah kab nasheman kī
chaman meñ barq ke laa.eq jab āshiyāñ na rahā

tanhā nahīñ chalā huuñ maiñ 'hātim' butāñ ke shahr
ham-rāh is safar meñ mirā āh-o-nāla hai

anjum-e-tābāñ falak par jāntī hai jis ko ḳhalq
kuchh sharāre haiñ vo merī āh-e-ātish-bār ke