Collections

Lab Shayari

Motivational Ghazals

Best Khamoshi Shayari

More Collections

Tags-Aah

is tarah aah kal ham us anjuman se nikle
fasl-e-bahār meñ juuñ bulbul chaman se nikle

is tarah aah kal hum us anjuman se nikle

shab-e-ġham kī tīrgī meñ mirī aah ke sharāre
kabhī ban ga.e haiñ aañsū kabhī ban ga.e haiñ taare

kahin husn ka taqaza kahin waqt ke ishaare

sañg o aahan ko ye kartī hai gudāz
aah hai ye naġhma-e-dā.ūd hai

shaiKH ko kabe se jo maqsud hai

maan.e hai zabt charḳh phuñke kyūñkar ai 'jalāl'
kis tarah nikle āh-e-sharar-bār kī havas

sad-shukr bujh gai teri talwar ki hawas

kyā jāniye kis tarah diyā tū ne javāb aah
qāsid kī zabāñ par tirā paiġhām na aayā

us ku main hue hum wo lab-e-baam na aaya

ham na tīr-e-shahāb haiñ na sumūm
nāla-o-āh-e-ātishīñ haiñ ham

kya kahen puchh mat kahin hain hum

jo ho bārān-e-rahmat mazra.a-e-aġhyār ke haq meñ
vahī barq-e-ġhazab ho aah haq meñ mere ḳhirman ke

yaqinan hai koi mah-e-munawwar pichhe chilman ke

are sayyād hamīñ gul haiñ hamīñ bulbul haiñ
tū ne kuchh aah sunā bhī nahīñ dekhā bhī nahīñ

sar mein sauda bhi nahin dil mein tamanna bhi nahin

mehrbānī ko mohabbat nahīñ kahte ai dost
aah ab mujh se tirī ranjish-e-bejā bhī nahīñ

sar mein sauda bhi nahin dil mein tamanna bhi nahin

aah ye majma-e-ahbāb ye bazm-e-ḳhāmosh
aaj mahfil meñ 'firāq'-e-suḳhan-ārā bhī nahīñ

sar mein sauda bhi nahin dil mein tamanna bhi nahin

us ke saf-e-mizha se laḌāve nishān-e-āh
ai fauj-e-ashk jaa.e hai le kar alam kahāñ

mil baiThne ye de hai falak ek dam kahan

dāman-kashāñ phire hai mirī ḳhaak se hanūz
rakhtā hai aah vo sar-e-marqad qadam kahāñ

mil baiThne ye de hai falak ek dam kahan

kyūñ-kar na saqf-e-charḳh-e-kuhan tham rahe 'nasīr'
mere sutūn-e-āh chhuT is meñ hai tham kahāñ

mil baiThne ye de hai falak ek dam kahan

aah ye ālam-e-ġhurbat ye shab-e-tanhā.ī
ik qayāmat huī dhyān aise meñ terā na huā

kitna hushiyar hua kitna wo farzana hua

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

Unpublished Ghazal

آنسو کہوں کہ آہ سوار ہوا کہوں

ai aah sunā us kuuñ mire haal kī arzī
tujh zulf ke pechoñ ne diyā mujh kuuñ shikan bol

ai bagh-e-haya dil ki girah khol suKHan bol

aah bhar lījiye ro lījiye kah lījiye sher
vo girāñ-bārī-e-jazbāt chalī jaatī hai

un se wo rasm-e-mulaqat chali jati hai

bhar aah ro kahā ki vo mast-e-shabāb hai
miltā nahīñ kisī se ye e.azāz-e-dil-fareb

har nukta-e-butan hai ada saz-e-dil-fareb

agar ai 'ārzū' har saañs dil kī aah ban jaa.e
na hogī ḳhatm phir bhī merī lambī dāstāñ mujh se

wo ban kar be-zaban lene ko baiThe hain zaban mujhse

zindagī naġhma-e-dil-kash hai magar ai nādāñ
tū ne sīkhā hī nahīñ āh-o-fuġhāñ ke aage

kuchh bhi dushwar nahin azm-e-jawan ke aage