Tags-Aah

nafāsat aah bhartī hai zalālat khilkhilātī hai
ye be-adabī kī duniyā meñ kabhī ḳhud ko tanā dekhūñ

unheñ naala karne kā rañj kyā unheñ aah bharne kā rañj kyā
unheñ mere marne kā rañj kyā unheñ mere jaane kā kyā qalaq

dam naak meñ aayā hai ab is nauhagarī se
dil pak gayā ai aah tirī be-asarī se

na hove kyuuñ ke gardūñ pe sadā dil kī buland etī
hamārī aah hai Dañkā damāme ke bajāne kā

kyā javāb us kā mire paas ba-juz ḳhāmoshī
yā magar ye ki yahī har gah kahūñ aah ki jhuuT

hamārī chaah sāhab jānte haiñ
kahūñ kyā aah sāhab jānte haiñ

'muhib' be-tarah kuchh tum se kahegā
vahī tiir aah sāhab jānte haiñ

ho ke majbūr aah kartā huuñ
thaam kar dil gunāh kartā huuñ

mar gayā ashk jo āñkhoñ se bahe aah ke saath
aa ga.ī niiñd havā meñ lab-e-sāhil mujh ko

hañgām-e-girya aah se nādāñ 'asar' hazar
uḌtā hai ashk jaise sharāra kabhī kabhī

jaatī thī yaad gesū o ruḳh meñ falak pe aah
mahtāb thā asīr-e-salāsil tamām raat

aah vo aañkh jo har samt rahī sā.iqa-pāsh
vo jo mujh se kisī unvān milā.ī na ga.ī

mauqūf hai laboñ kī tabassum se rasm-o-rāh
āh-o-fuġhāñ vazīfa-e-shām-o-sahar hai aaj

minnat-o-ājizī o zārī-o-āh
tere aage hazār kar dekhā

naqqāsh-e-azal ne to sar-e-kāġhaz-e-bād aah
kyā ḳhaak likhā umr kī ta.amīr kā naqsha

ai ashk-e-ravāñ saath le ab āh-e-jigar ko
āshiq kahīñ be-fauj-o-alam uTh nahīñ saktā

saqf-e-falak-e-kohna meñ kyā ḳhaak lagā.ūñ
ai zo.af-e-dil is aah kā tham uTh nahīñ saktā

aah is umr-e-be-baqā kī tarah
rahrav-e-kishvar-e-fanā haiñ ham

haq meñ parvāne ke hai tīr-e-shahāb
ai 'vaqār' āh-e-ātishīn-e-sham.a

aah parvāne kā pareshāñ duud
ban gayā zulf-e-ambarīn-e-sham.a