Tags-Deedar

dil-e-māyūs ko pahne hue aatī haiñ nazar
saikaḌoñ hasrat-e-dīdār kafan aa.ine meñ

roz dīdār-e-yār ho jis meñ
aisā saal aate aate aatā hai

tuman raushnī bin haman raushnī naah
tū dīdār bin sabhī dīdār haiñ kaah

shauq kī had ko abhī paar kiyā jaanā hai
ā.īne meñ tirā dīdār kiyā jaanā hai

agar hayāt hai dekheñge ek din dīdār
ki māh-e-īd bhī āḳhir hai in mahīnoñ meñ

ab vahī karne lage dīdār se aage kī baat
jo kabhī kahte the bas dīdār honā chāhiye

aa.iye jalva-e-dīdār ke dikhlāne ko
phūñk de barq-e-tajallī mire kāshāne ko

hasrat-e-jalva-e-dīdār ho puurī kyūñkar
vo tasavvur meñ bhī rū-posh nazar aatā hai

ḳhvāhish-e-dīd hai to tāb-e-nazar paidā kar
varna behtar hai yahī tālib-e-dīdār na ban

ye bahāna tire dīdār kī ḳhvāhish kā hai
ham jo aate haiñ idhar roz Tahalne ke liye

juuñ halqa-e-dar dar pe tire sub.h se tā-sub.h
rahtā hai tirā tālib-e-dīdār hamesha

huā dīdār marte vaqt hamdam
tirā 'pūnam' ḳhasāra jā rahā hai

kaash ab burqa muñh se uThā de varna phir kyā hāsil hai
aañkh muñde par un ne go dīdār ko apne aam kiyā

vufūr-e-shauq merā māne-e-dīdār thā varna
jhalak thī ḳhud-numā.ī kī sadā-e-lan-tarānī meñ

aaj yuuñ mauj-dar-mauj ġham tham gayā is tarah ġham-zadoñ ko qarār aa gayā
jaise ḳhush-bū-e-zulf-e-bahār aa ga.ī jaise paiġhām-e-dīdār-e-yār aa gayā

dīdār-e-jānāñ kā bhalā kyuuñ kar tahammul ho sake
tirchhī nigāheñ ek sū zulf-e-chalīpā ik taraf

maiñ to har raat yahī soch ke sotā huuñ ki kal
sub.h shāyad tire dīdār kā sūraj nikle

gar zindagī hai baaqī phir tum siiñ aa mileñge
dīdār āḳhirī hai jo hai maran hamārā

baiThā hai kab se muntazir yaañ par nigāh-e-mehr
dekh aañkh uThā ke tālib-e-dīdār kī taraf

zer-e-zamīñ huuñ tishna-e-dīdār-e-yār kā
aalam vahī hai aaj talak intizār kā