Tags-Dhoop

dekh phūloñ se lade dhuup nahā.e hue peḌ
hañs ke kahte haiñ guzārī hai ḳhizāñ bhī ham ne

chalūñ to dhuup kā bādal huuñ maiñ ḳhud apnī jagah
rukūñ to har shajar-e-sāyā-dār merā hai

ek din
sehn kī pīl-gūñ dhuup meñ

dhuup chhāñv sā vo ik shaḳhs mire shahr meñ thā
dil meñ haañ aur vo hoñToñ pe nahīñ rakhtā thā

balā kī dhuup thī din bhar to saa.e bunte the
añdherī raat hai chiñgāriyāñ banāte haiñ

nigāh-e-nāz kuchh un kī bhī hai ḳhabar tujh ko
jo dhuup meñ haiñ magar badliyāñ banāte haiñ

dhuup se DhūñDte haiñ rāh-e-farār
log shīshe ke sā.ebānoñ meñ

ajab tazād ke pesh-e-nazar huuñ hastī meñ
hai dhuup hijr kī aur sā.ebāñ visāl kā hai

hamārī kisht-e-ārzū ye dhuup kyā jalā.egī
tumhārā intizār ham kareñge barshgāl tak

jal chuke log to ab dhuup meñ ThanDak aa.ī
thī jo sūraj ko daraḳhtoñ se adāvat nahīñ ab

chhat meñ kuchh chhed haiñ ye raaz batāne ke liye
dhuup ḳhāmoshī se kamre meñ khaḌī hai ab bhī

manzileñ detī haiñ āvāz ki jaldī aao
peḌ kahte haiñ ruko dhuup kaḌī hai ab bhī

dhuup saroñ par aur dāman meñ saayā hai
sun to sahī jo peḌoñ ne farmāyā hai

dhuup pī kar tamām sahrā kī
abr ban kar maiñ ḳhud pe chhā jā.ūñ

maut ke saa.e meñ 'tāriq' aarzū kī dhuup thī
kārobār-e-zindagī be-e'tibārāna chalā

kahīñ chāñd jugnū parinda rut kahīñ rañg dhuup dhanak nirt
mire daur meñ dil-e-muztarib ye ġhazal kī shīshagarī rahī

zarā surāġh lagā mere rañg-e-ḳhasta kā
ġhamoñ kī dhuup meñ band-e-naqāb khol ke dekh

kaḌaktī dhuup meñ chal to paḌī dulhan 'hasrat'
qadam qadam pe use rāste meñ pyaas lagī

chhup ga.ī kaale bādal meñ
mausam se jab haarī dhuup

ab to jism pighalte haiñ
jaarī jā ab jaarī dhuup