Collections

Lab Shayari

Motivational Ghazals

Best Khamoshi Shayari

More Collections

Tags-Dhoop

sarmā kī chāñdnī thī javānī guzar ga.ī
jhulsā rahī hai dhuup buḌhāpā Thahar gayā

aansu gira to kanch ka moti bikhar gaya

chhū ke dekhā to garm thā māthā
dhuup meñ kheltā rahā hai chāñd

be-sabab muskura raha hai chand

dhuup sā u kapūl naarī hai
kiran sūraj kī vo kanārī hai

dhup sa u kapul nari hai

ḳhabar mujh ko nahīñ maiñ jism huuñ yā koī saayā huuñ
zarā is kī vazāhat dhuup kī chādar pe likh denā

mujhe manzur kaghaz par nahin patthar pe likh dena

hijr kī dhuup kyuuñ nahīñ Dhaltī
jashn-e-shām-e-visāl hote hue

zaKHm ka indimal hote hue

ai za.īfī saaya sar par se gayā dhuup aa ga.ī
fasl badlī āftāb-e-zindagānī phir gayā

su-e-dayar KHanda-zan wo yar-e-jaani phir gaya

ḳhushī kā vaqt hai aur aañkh pur-nam hotī jaatī hai
khilī hai dhuup aur bārish bhī chham-chham hotī jaatī hai

tabiat rafta rafta KHugar-e-gham hoti jati hai

dhuup meñ kaun kise yaad kiyā kartā hai
par tire shahr meñ barsāt to hotī hogī

ban ke saya hi sahi sat to hoti hogi

dhuup meñ ġham kī mire saath jo aayā hogā
vo koī aur nahīñ merā hī saayā hogā

dhup mein gham ki mere sath jo aaya hoga

roz-e-azal se sochte zehnoñ kī ham-safar
sahrā kī dhuup aur ye parchhā.iyāñ tamām

ek ishq-e-na-tamam hai ruswaiyan tamam

umr kā baaqī safar karnā hai is shart ke saath
dhuup dekheñ to ise saa.e se ta.abīr kareñ

aks ko qaid ki parchhain ko zanjir karen

dhuup meñ saath saath saaya hai
raushnī meñ bhī tīrgī kahiye

mujhko majbur-e-sar-kashi kahiye

phir buuñd buuñd Tapkī hamāre badan se dhuup
phir aks aks bikhre haiñ manzar fazāoñ ke

KHushbu badan ki Khaali samundar hawaon ke

'alvī' ye mo.ajiza hai december kī dhuup kā
saare makān shahr ke dho.e hue se haiñ

alwi ye moajiza hai december ki dhup ka

yā barastī dhuup meñ tapte sulagte din mile
yā ridā-e-dard meñ lipTī huī rāteñ milīñ

ishq ki duniya mein kya kya hum ko saughaten milin

koī to abr kī mānind masāfat meñ 'salīm'
dhuup se bar-sar-e-paikār hamāre liye hai

ye KHayal ab to dil-azar hamare liye hai

rañg apnī chhatrī kā dhuup ne miTā Daalā
sub.h hone se pahle phir ḳhizāb karnā hai

jo nahin kiya ab tak be-hisab karna hai

tere hoñToñ pe kohsār kī os
tere chehre pe dhuup kā jaadū

farhad

dekhnā hai hameñ ik va.ada-farāmosh 'siyā'
shaam tak dhuup ke sahrā meñ Thaharnā hogā

ab tere shahr se chup-chap guzarna hoga

ḳhushk us kī zaat kā sātoñ samundar ho gayā
dhuup kuchh aisī paḌī vo shaḳhs banjar ho gayā

KHushk uski zat ka saton samundar ho gaya