Tags-Dhoop

manzileñ gard meñ kho jaatī haiñ
rāste dhuup se bhar jaate haiñ

us ne mujhe dhūp-bharī ajrak pesh kī
maiñ ne us dhuup ko apnī zamīn par rakhā

tishnagī kī vo shiddat ko bhūlegā kyā dhuup kī vo tamāzat ko bhūlegā kyā
terī be-faiz āñkheñ jise yaad haiñ terā be-sāya gesū jise yaad hai

raat ke pichhle pahar yādoñ kī dhuup
dhyān ke būḌhe shajar tak aa ga.ī

dhuup chhāñv kā koī khel hai bīnā.ī bhī
aañkh ko DhūñD ke laayā huuñ to manzar gum hai

mahkūm bastiyoñ se sarakne lagī hai dhuup
vo ahd huuñ ki jis ne shafaq be-naqāb kī

apnī barahnagī ko bachā tez dhuup se
kirnoñ meñ bū hai jalte hue āftāb kī

ab na dīvār se shikva hai na saa.e kī talab
dhuup jab merā muqaddar hai to phir ġham kaisā

ye dhuup kī tezī ye sarāboñ kī sajāvaT
sahrā ne junūñ ko mire pahchān liyā kyā

vo dhuup hai ki sulagtā hai saaya paaoñ tale
ḳhamīr-e-ḳhāk bhī aag aur dhuāñ dikhā.ī de

raat sitāroñ vaalī thī aur dhuup bharā thā din
jab tak āñkheñ dekh rahī thiiñ manzar achchhe the

kaisā sunsān hai dasht-e-āvārgī
har taraf dhuup hai har taraf tishnagī

vo aur hoñge jo kār-e-havas pe zinda haiñ
maiñ us kī dhuup se saaya badal ke aayā huuñ

dhuup sah lene kī aadat ne ye jur.at baḳhshī
sar pe sūraj ko uThā.e meñ guzar jaatā huuñ

ab din kahāñ rahe vo hamāre sabāt ke
ik dhuup thī jo saath ga.ī āftāb ke

ham nikal aa.e haiñ ab dhuup meñ jalne ke liye
koī bādal nahīñ bheje koī saaya na kare

dard-o-ġham ke tapte sahrā kī kaḌaktī dhuup meñ
so gayā huuñ maiñ tirī yādoñ kī chādar taan ke

jis din shahr jalā thā us din dhuup meñ kitnī tezī thī
varna is bastī par 'anjum' bādal roz barastā thā

khel-kūd kar shaam Dhale kyuuñ
apne ghar ko jaatī dhuup

aao aaj
dhuup meñ khaḌe ho kar