Tags-Dhoop

ghar se niklo dhuup meñ baiTho dekho us pīpal kā saaya
jis ke nīche tum aisā ik bholā bachcha khel rahā thā

lipTe rahe tamām raat phuul kī pattiyoñ ke saath
dhuup paḌī jo phuul par qatre farār kar ga.e

hamīñ par dhuup barsātā hai sūraj bhī muqaddar bhī
daraḳht-e-mehrbāñ koī kare saaya to ham par bhī

ruup apnā ujālne ke liye
zindagī dhuup meñ nahātī hai

gumbadoñ ko dhuup kī lambī zabāneñ khā ga.ī haiñ
sahn meñ zanjīr se jakḌe hue ḳhārish-zada

aaj jī bhar ke dhuup khānī hai
muddatoñ ba.ad hai ugā sūraj

zindagī dhuup chhāñv donoñ hai
har kisī ko sikhā gayā sūraj

maiñ be-samar hī sahī phir bhī sāya-dār to huuñ
kaḌī ho dhuup to mujh meñ panāh le lenā

havā.eñ phuul ḳhushbū dhuup bārish
kisī kī har nishānī mausamoñ meñ

us ke ruup kī dhuup kā saaya chhāñv bichhāte peḌoñ par
us kī shoḳh hañsī kā charchā shahr ke qahva ḳhānoñ meñ

tum dhuup se na dhuup kī yalġhār se bacho
dīvār girne vaalī hai dīvār se bacho

dhūp-jañgal meñ phir kho gayā hai koī
chāñd tāroñ ko āvāz detā huā

dhuup aur lū bharī thiiñ fazā.eñ magar
us kī yādoñ kā mausam thā bhīgā huā

dhakke diye haiñ dhuup ne saa.e gale paḌe
tum saath jab nahīñ the to raste gale paḌe

dhuup se bach ke jaa.eñ aur kahāñ
apnī zaat ik ghanā shajar hai yahāñ

ye ThiThurtī dhuup hai is dhuup meñ
kaise apnā ḳhuun garmā.egā tū

vo dhuup thī ki zamīñ jal ke raakh ho jaatī
baras ke ab ke baḌā kaam kar gayā paanī

murjhā.ī huī dhuup
kaahī dolā shāhī

safar meñ dhuup hai to sā.ebān bhī hogā
zamīn hogī jahāñ āsmān bhī hogā

dariyā sabza phuul sitāre achchhī ḳhvāhish hai
patthar kāñTe dhuup gard se nafrat mat karnā