Tags-Dil

zor bal uf-re is nazākat par
ḳhalq kā dil dukhā.e baiThe haiñ

dil ke khoTe haiñ sab ye sīm-andām
ḳhuub ham āzmā.e baiThe haiñ

dekh saaqī ko apne dariyā-dil
zarf-e-mai-kash baḌhā.e baiThe haiñ

mere dil soz ban ke yaar mire
muft jī ko jalā.e baiThe haiñ

agar do dil kahīñ bhī mil ga.e haiñ
zamāne ko shikāyat ho ga.ī hai

dar-e-rahmat ḳhudā kā baaz hai dil apnā taaza rakh
qafas meñ hasrat-e-gul se mat itnā phaḌphaḌā bulbul

dil āsūda na paayā kyā ḳhizāñ aur kyā bahār is ko
mohabbat meñ rakhe hai turfa dard-e-be-davā bulbul

bharā hai ne.amat-e-alvāñ se gul kā ḳhvān go 'hasrat'
kare har sub.h uTh kar ḳhūn-e-dil se nāshtā bulbul

dil bhī pāgal hai ki us shaḳhs se vābasta hai
jo kisī aur kā hone de na apnā rakkhe

ye tiir aisā lagā hai dil par ki dil maza us kā jāntā hai
maiñ lazzat-e-ġham se be-ḳhabar thā tumhārī tirchhī nazar se pahle

nazar meñ zehn meñ dil meñ kushādgī laao
havā ke ruḳh kā taqāzā hai bādbānoñ par

fā.eda kyā havas-e-dil ke baḌhāne se 'jalīl'
vahī nikleñge jo armāñ haiñ nikalne vaale

rāh-e-adam meñ sair-e-charāġhāñ nazar paḌī
turbat meñ dāġh-e-ġham dil-e-nākām le gayā

ik aks dil ke taT se be-iḳhtiyār phūTe
jab chāñd us nagar kī jhīloñ ke paar phūTe

na koī aarzū jis meñ ho vo ujḌā huā dil huuñ
ġharaz be-kār huuñ ik dam jalā dene ke qābil huuñ

dil ko sar-e-ulfat bhī hai rusvā.ī kā Dar bhī
us ko abhī is aañch meñ tapnā nahīñ aatā

dukh jaatā hai jab dil to ubal paḌte haiñ aañsū
'mullā' ko dikhāne kā taḌapnā nahīñ aatā

tum bichhā lo musallā-e-chāhat
maiñ ne dahlīz dil kī dho lī hai

dil kī bātoñ ko dil samajhtā hai
dil kī bolī ajiib bolī hai

dil hai bahr-e-be-karāñ dil kī umañg
chaar mauj chaar sū hai chaar rañg