Tags-Dil

koī ahl-e-dil ko kamī nahīñ magar ahl-e-dil kā ye qaul hai
abhī maut bhī nahīñ mil sakī abhī zindagī meñ kasar bhī hai

dil ko ḳhush karne ko DhūñDe haiñ bahāne ham ne
ab palaT kar zarā dekheñ kahīñ aayā hī na ho

jo ho sake to mire dil ab ik vo qissa bhī
zarā sunā ki hai kuchh zikr jis meñ terā bhī

baḌe salīqe se duniyā ne mere dil ko diye
vo ghaao jin meñ thā sachchā.iyoñ kā charkā bhī

saḳhtiyāñ kartā huuñ dil par ġhair se ġhāfil huuñ maiñ
haa.e kyā achchhī kahī zālim huuñ maiñ jāhil huuñ maiñ

kaisī qanā.at kaisī ibādat hirs-o-havas ke aalam meñ
dil jo pahle ghar thā ḳhudā kā ab shahr-e-asnām huā

jo patthar ko mom banā de dil meñ ab vo aañch kahāñ
jis sho.ale par naaz bahut thā vo sho.ala bhī ḳhaam huā

na ehtiyāt koī kaam aayā ishq ke saath
jo rog dil meñ chhupā thā vo kaam kar bhī gayā

ajab thī hijr kī saa.at ki jaañ pe ban aa.ī
kaḌā thā vaqt vo dil par magar guzar bhī gayā

ġhazab hai dekhne meñ achchhī sūrat aa hī jaatī hai
nahīñ roke se dil ruktā tabī.at aa hī jaatī hai

bharā hai dil hamārā dostoñ kī bevafā.ī se
kahāñ tak zabt bātoñ meñ shikāyat aa hī jaatī hai

paḌegā tere jī meñ shak na sun ġhammāz kī bāteñ
hazār ā.īna ho dil par kudūrat aa hī jaatī hai

ḳhudā sūrat na dikhlā.e mujhe ātish-izāroñ kī
hazār un se hai dil ThanDā harārat aa hī jaatī hai

dil to be-dām bikā zehn kī qīmat na lagī
kaise bāzār meñ bechā hai mujhe duniyā ne

ai dil-figār be-sabāt hastī
terī hī jaan ko ro rahā huuñ

milā kuchh to qātil se 'āzim' tumheñ
pas-e-dāġh-e-dil ek chharrā sahī

jo bas ek pahlī nigāh meñ mire dil kā raaz samajh sake
mujhe ibtidā-e-hayāt se isī dīda-var kī talāsh hai

jhuk sake aap kā ye sar to jhukā kar dekheñ
raah meñ dil hai ki patthar hai uThā kar dekheñ

dil kī ek ik kanī bichhātī huuñ
rāt-bhar raushnī bichhātī huuñ

un se ham lau lagā.e baiThe haiñ
aag dil meñ dabā.e baiThe haiñ