Tags-Dil

apnī barbādī kā shikva bhī karūñ to kis se
āḳhir is dil ne bhī ye din to dikhānā thā mujhe

us ne jo dil se nikālā hai kidhar jā.ūñ 'ḳhalīl'
saarī duniyā meñ yahī ek Thikānā thā mujhe

abhī to manzar-e-gul da.avat-e-nazāra thā
abhī to dīda-o-dil kār-zār-e-hastī haiñ

kahne ko mire dil ke sun ai gulshan-e-ḳhūbī
gar hai to tire ko hai ye firdaus ye murdas

abhī anjām-e-dil ma.alūm kyā hai
ajī tum ne to aafat dekh lī hai

ta.ajjub aatā hai tifl-e-dil par ki ho gayā mast-e-nazm-e-'akbar'
abhī middle paas tak nahīñ hai bahut se haiñ imtihān baaqī

vo naala hī nahīñ jo pur-afshāñ nahīñ huā
vo dāġh-e-dil hī kyā jo numāyāñ nahīñ huā

kab vahshatoñ se dast-o-garebāñ nahīñ huā
kab dil junūñ ke haath pareshāñ nahīñ huā

dil hī nahīñ vo dil jo haqīqat meñ ham-nashīñ
ā.īna-dār-e-azzat-e-irfāñ nahīñ huā

dil ko paiham vahī andoh-shumārī karnā
ek saa.at ko shab o roz pe taarī karnā

ab vo āñkheñ nahīñ miltīñ ki jinheñ aatā thā
ḳhaak se dil jo aTe hoñ unheñ jaarī karnā

dil kī har aarzū hai ḳhvābīda
ab na vo kaifiyat na soz na rañg

hasrat hai koī ġhuncha hameñ pyaar se dekhe
armāñ hai koī phuul hameñ dil se pukāre

do dil the aur ek sā mausam jis kī saḳhāvat aisī thī
maiñ bhī ik barkhā meñ nahāyā vo bhī abr-sifāt huī

guftugū tiir sī lagī dil meñ
ab hai shāyad ilaaj sannāTā

log dil kī kaheñ to kaise kaheñ
chāhtā hai samāj sannāTā

kaun batā.e kyā hai haqīqat aur banā afsāna kyā
dil kī bastī kyā bastī hai basnā kyā luT jaanā kyā

tālib-e-dīd pe aañch aa.e ye manzūr nahīñ
dil meñ hai varna vo bijlī jo sar-e-tūr nahīñ

dil se nazdīk haiñ āñkhoñ se bhī kuchh duur nahīñ
magar is pe bhī mulāqāt unheñ manzūr nahīñ

ḳhalvat-e-dil na sahī kūcha-e-shahrag hī sahī
paas rah kar na sahī aap se kuchh duur nahīñ