Tags-Dil

mahfil meñ un kī sham.a jalī hai ki jān-o-dil
khultā hai kab ye rāz-e-nihāñ dekhte raho

'az.har' ye daur-e-aish hai yaañ jiine ke liye
āzurda zehn aur dil-e-muztar sameT lo

ham tum haiñ dil-o-jāñ se agar ek hī 'mardāñ'
kahne ko haiñ vo ek haiñ ham do haiñ magar kyā

zamīñ ne ḳhuun uglā āsmāñ ne aag barsā.ī
jab insānoñ ke dil badle to insānoñ pe kyā guzrī

ab to hai dil-barāñ kī man be-dil
jāñ-ba-lab hai so kuchh ajab hai re

dil bhī kyā rāhguzar hai ki hamesha jis meñ
zohra-o-mustarī-o-māh chalā karte haiñ

vādī-e-dil hai qadam soch ke rakhnā ki 'shamīm'
tez is raah meñ nāgāh chalā karte haiñ

jo sirr-e-ishq bhī hai rāz-e-husn-e-jānāñ bhī
yaqīñ karo mire dil meñ ik aisī baat bhī hai

liye to chalte haiñ hazrat-e-dil tumheñ bhī us anjuman meñ lekin
hamāre pahlū meñ baiTh kar tum hamīñ se pahlū-tahī na karnā

ham ek rasta galī kā us kī dikhā ke dil ko hue pashemāñ
ye hazrat-e-ḳhizr ko jatā do kisī kī tum rahbarī na karnā

burī hai ai 'dāġh' rāh-e-ulfat ḳhudā na le jaa.e aise raste
jo apnī tum ḳhair chāhte ho to bhuul kar dil-lagī na karnā

tū mil us se ho jis se dil tirā ḳhush
balā se terī maiñ nā-ḳhush huuñ yā ḳhush

satānā be-diloñ ke dil ko har-dam
tumheñ ai dilbaro aatā hai kyā ḳhush

us ne ye kah ke bañdhā.ī hai mirī himmat-e-dil
aa.e haiñ ġham ke zamāne ye guzar jā.eñge

der se ā.eñge vo dil mirā kahtā hai yahī
ulTe muñh par ka.ī ilzām vo dhar jā.eñge

ye dil to siine meñ kis qarīne se gūñjtā thā
ajiib hañgāma kar diyā be-qarār kar ke

mire dil kī āb-o-havā lagī ki vafā bhī un ko ḳhatā lagī
vahī sādgī se jo aa.e the vahī bāñkpan se chale ga.e

na to kufr ke na ḳhudā ke ham na davā ke ham na duā ke ham
ki butān-e-ka.aba-e-ārzū dil-e-barhaman se chale ga.e

mohabbat ke liye kuchh ḳhaas dil maḳhsūs hote haiñ
ye vo naġhma hai jo har saaz par gaayā nahīñ jaatā

chāk-e-dil se jhāñkiye duniyā idhar se diin udhar
dekhiye sab kā tamāshā is shigāf-e-dar se aap